Caster Oil: అందరికీ ఉపయోగపడే అద్భుతమైన చెట్టు ఆముదపు చెట్టు..!! ఆముదం నూనె ఉపయోగించం మళ్ళీ ఆ చెట్టు గురించి ఎందుకు అనుకుంటున్నారా..!? అయితే ఈ చెట్టు సర్వ రోగాలను నయం చేస్తుంది.. పిల్లల నుంచి పెద్దల వరకు అందరికీ ఉపయోగపడుతుంది.. ఆముదపు చెట్టు ఏ భాగాలు ఏ వ్యాధులను తగ్గిస్తుందో ఇప్పుడు చూద్దాం..!!
Caster Oil: కీళ్ల నొప్పులకు ఆముదపు ఆకులతో చెక్..!!
ఆముదపు ఆకులకు నువ్వుల నూనె రాసి వేడి చేయాలి. ఈ ఆకులు గోరు వెచ్చగా ఉన్నప్పుడే కీళ్ల పై వేసి కట్టు కట్టాలి. ఇలా నిత్యం చేస్తూ ఉంటే కీళ్ల నొప్పులు, వాపులు తగ్గుతాయి. కీళ్ల మంటలు ఉంటే ఈ చెట్టు గింజలను వేడి చేసి గోరు వెచ్చగా ఉన్నప్పుడు ఆ ముద్దను కీళ్ల పై ఉంచి కట్టు కడితే వెంటనే ఉపశమనం కలుగుతుంది. ఆముదపు గింజలను పగల గొట్టి లోపల ఉన్న పప్పును తీసి పెరుగు లో వేసి ఒక రోజు నానబెట్టి మెత్తగా నూరుకోవాలి. ఈ మిశ్రమాన్ని దురదలు, దద్దుర్లు, గజ్జి, తామర ఉన్నచోట రాస్తే త్వరగా తగ్గుతుంది. పుండ్లు , గాయాలు, కురుపులు ఉన్నచోట ఈ చెట్టు బెరడు ను నీటి లో అరగదీసి రాస్తే చక్కటి ఫలితం కనిపిస్తుంది.
నెలసరి సక్రమంగా రాకపోతే ఆముదపు ఆకులను కచ్చాపచ్చాగా దంచి వేడి చేయాలి. గోరు వెచ్చగా ఉన్నప్పుడు ఈ ఆకులను పొట్టపై ఉంచి రాత్రి పూట కట్టు కట్టి ఉదయం తీసేస్తే రుతుబద్దం పోయి బహిష్టు వస్తుంది. లేత ఆముదపు ఆకులను తీసుకుని శుభ్రం చేసుకోవాలి. అందులో కొద్దిగా మొత్తం ముద్ద కర్పూరం వేసి మెత్తగా నూరుకోవాలి. ఈ మిశ్రమాన్ని మొలలు ఉన్నచోట రాసి కట్టు కట్టుకోవాలి. ఇలా చేస్తూ ఉంటే మొలలు త్వరగా తగ్గిపోతాయి.
ఆముదపు చెట్టు వేర్లను సేకరించి నీడలో ఎండబెట్టి నిల్వ చేసుకోవాలి. పాము కాటు, తేలు కుట్టిన చోట, విష ప్రయోగం జరిగినపుడు ఈ వేర్లు చిన్న ముక్కని నమిలి ఆ రసం మింగితే విష ప్రభావం హరించి పోతుంది. ఆముదపు చెట్టు వేర్లను, శొంఠి, దేవదారు చెక్క, సన్న రాష్టం, తిప్ప తీగ అన్నింటినీ సమాన మోతాదులో తీసుకోని దంచి పొడి చేసుకోవాలి. 20 గ్రాములు ఈ పొడిని అర లీటర్ నీటిలో వేసి పావు లీటర్ నీరు అయ్యేంతవరకు మరిగించాలి. గోరు వెచ్చగా ఉన్నప్పుడు ఈ నీటిని తాగితే సర్వ వాత రోగాలను నయం చేస్తుంది.
