Dirisena: దిరిసెన చెట్టు.. సంస్కృతంలో దీనిని మృదు పుష్పి, శిరీష అని పిలుస్తారు. కొన్ని ప్రాంతాలలో భాగి చెట్టు, సిరిసిమి చెట్టు అని కూడా పిలుస్తారు. ఈ చెట్టును పూర్వకాలం నుంచి ఆయుర్వేద వైద్యంలో ఉపయోగిస్తున్నారు.. లక్షలు పోసి ఖర్చుపెట్టినా తగ్గని వ్యాధులను దిరిసెన చెట్టు నయం చేస్తుంది..!!
దిరిసెన గింజలను దంచి పొడి చేసి ఆ పొడిని వాసన పిలిస్తే తుమ్ములు వస్తాయి. దీని వలన కఫం, శేష్మం పోతుంది. చెట్టు ఆకులతో కషాయం తయారుచేసుకొని అన్ని చల్లారిన తర్వాత ఆ నీటితో ముక్కుని శుభ్రం చేసుకున్నట్లయితే నాసిక రంధ్రాలు శుభ్రపడతాయి. తలనొప్పి తగ్గిపోతుంది. ఈ చెట్టు పువ్వులను గోరువెచ్చని నీటిలో ఉంచి ఆ నీటిని కణతలకు రాస్తే తలనొప్పి తగ్గుతుంది. కొంతమందికి ఈ పువ్వుల వాసన పీల్చినా కూడా తల నొప్పి తగ్గింది. వాత, పిత్త దోషాలను తగ్గిస్తుంది. ఈ చెట్టు ఆకులను కూరగా వండుకొని తినవచ్చు. ఈ ఆకుల రసం చపాతీ పిండి లో కలిపి రోటీ చేసుకొని తినవచ్చు. నేత్ర సంబంధిత సమస్యలు రాకుండా చేస్తుంది. ముఖ్యంగా రేచీకటిని తగ్గిస్తుంది.
ఆకుల రసాన్ని రెండు చుక్కలు చెవిలో వేసుకుంటే చెవిపోటు తగ్గిపోతుంది. ఈ చెట్టు బెరడును తీసుకొని ఒక గ్లాస్ నీటిలో వేసి కషాయంలా తయారు చేసుకోవాలి. ఈ కషాయాన్ని నోట్లో పోసుకొని పుక్కిలించి ఉసేస్తే నోటి దుర్వాసన, చిగుళ్ల నుంచి రక్తం కారటం, చిగుళ్ళ వాపు, దంత సమస్యలను నివారిస్తుంది. చెట్టు పుల్లల తో పళ్ళు తోముకుంటే పంటి సమస్య కు చెక్ పెడుతుంది. ఈ చెట్టు కషాయాన్ని తాగితే రక్తాన్ని శుద్ధి చేస్తాయి. ఈ చెట్టు గింజలను బుగ్గన ఉంచుకుని ఆ రసాన్ని మింగుతూ ఉంటే ఊపిరితిత్తుల సమస్యలను తగ్గిస్తుంది. ఈ చెట్టు గింజల పొడిని అర స్పూన్ మోతాదులో ప్రతిరోజూ తీసుకుంటే రక్త మొలలు తగ్గుతాయి. మూల వ్యాధులను నయం చేస్తుంది. పురుషుల మూత్రం లో వీర్యకణాలు పోతుంటే ఆ సమస్యను కూడా ఈ గింజలు తగ్గిస్తాయి.