Lemon Oil: సిట్రస్ పండ్లలో నిమ్మ (Lemon) ఒకటి.. పండ్లలో నిమ్మ పండుకు ఓ ప్రత్యేక స్థానం ఉంది.. నిమ్మ కాయలో విటమిన్ సి సమృద్ధిగా లభిస్తుంది. ఇది మన ఆరోగ్యానికి ఎంతో మేలు చేస్తుందని అందరికీ తెలుసు.. అయితే నిమ్మనూనె (Lemon Oil) కూడా అనేక అనారోగ్య సమస్యలను దూరం చేస్తుందని అతి కొద్ది మందికే తెలుసు.. నిమ్మ నూనె ఉపయోగించడం వలన ఎటువంటి ఆరోగ్య ప్రయోజనాలు చేకూరుతాయో ఇప్పుడు తెలుసుకుందాం..!!
Lemon Oil: నిమ్మ నూనెతో మర్దన చేసుకుంటే..
తలనొప్పి (Headache) గా ఉన్నప్పుడు నిమ్మ నూనె వాసన పీలిస్తే చాలు వెంటనే ఉపశమనం లభిస్తుంది. ఇది మెదడు లోని నరాల ను ఉత్తేజ పరుస్తుంది. రక్త ప్రసరణ మెరుగు పడి తక్షణ స్వాంతన లభిస్తుంది. ఈ నూనె వాసన పీలిస్తే ఒత్తిడి తగ్గుతుంది. మానసిక ఒత్తిడి ను తగ్గిస్తుంది. మానసిక ప్రశాంతత ను కలుగజేస్తుంది. వాంతులు, వికారం కలిగినప్పుడు ఈ నూనె వాసన పీలిస్తే తగ్గిపోతుంది.
మొటిమలు (Pimples), వాటి తాలూకు మచ్చలు మిమ్మల్ని వేధిస్తుంటే నిమ్మ నూనె లో కొద్దిగా తేనె (honey) కలిపి ముఖానికి అప్లై చేయాలి. అరగంట తర్వాత గోరు వెచ్చటి నీటితో కడిగేసుకుంటే ముఖం పై ఉన్న మొటిమలు పోయి ముఖం కాంతివంతంగా తయారవుతుంది. చలికాలం లో పెదాల పగుళ్ళ (Lip Fixes) సమస్య అందరికీ ఉంటుంది. అలాంటప్పుడు కొద్దిగా నిమ్మ నూనె తీసుకుని పెదాల రాసి మృదువుగా మర్దన చేయాలి. ఇలా చేస్తే త్వరగా పగుళ్లు తగ్గుతాయి.
చర్మం పై దురదలు, గజ్జి, తామర (Ring worm) ఉంటే ఈ నూనె ఆ ప్రదేశంలో రాయాలి. ఇలా సమస్య తగ్గే వరకు రాస్తే మళ్ళీ ఈ సమస్య రాదు. పుండ్లు, గాయాలు (Wounds) ఉన్నచోట ఈ నూనె రాస్తే త్వరగా మానిపోతాయి. ఈ నూనె అన్ని రకాల చర్మ సమస్యలను (Skin Problems) తగ్గిస్తుంది. ఇంటిని శుభ్రం చేసుకునేందుకు చాలా మంది మార్కెట్లో లభించే వివిధ రకాల కెమికల్స్ ను ఉపయోగిస్తుంటారు. అయితే ఒక బకెట్ నీటిలో కొద్దిగా నిమ్మ నూనె కలిపి ఇంటిని తుడిస్తే బ్యాక్టీరియాను తొలగించి ఇల్లంతా సువాసన వెదజల్లుతుంది.