Marigold Flower: ఇంటి అలంకరణ లోను, పూజ లోనూ బంతి పూలను ఉపయోగిస్తారు.. పూజకు మాత్రమే ఈ పువ్వు ఉపయోగపడుతుందని చాలా మంది అనుకుంటారు.. అయితే ఇందులో చాలా ఔషధ గుణాలు ఉన్నాయని ఎవరికీ తెలీదు.. వీటి వలన అనేక అనారోగ్య సమస్యలను నయం చేసుకోవచ్చు.. బంతి పువ్వు ఆకులు ఎటువంటి ఆరోగ్య ప్రయోజనాలను చేకూరుస్తుందో ఇప్పుడు చూద్దాం..!!
Marigold Flower: బంతి పువ్వు ఆకులతో ఇలా చేయండి..!!
బంతి పువ్వు ఆకులను సేకరించి వాటిని ముద్దగా నూరి రసం తీసుకోవాలి. ఈ రసాన్ని పుండ్లు, గాయాలు ఉన్న చోట రాసి కట్టు కట్టాలి. ఇలా రోజూ చేస్తూ ఉంటే గాయాలు, పుండ్లు త్వరగా మానిపోతాయి. ఆస్తమా సమస్యతో బాధపడుతున్నవారు బంతి పువ్వు లో ఉండే తెల్లని బొడ్డు ను సేకరించి ఎండబెట్టి దంచి పొడి చేసుకోవాలి. ఈ పొడిలో పెరుగు పంచదార కలపాలి. ఈ మిశ్రమాన్ని ప్రతి రోజు తీసుకోవడం వలన ఆయాసం, ఆస్తమా, దగ్గు తగ్గుతాయి.
బంతి పూల ను ముద్దగా నూరి అందులో నెయ్యి కలిపి ప్రతి రోజూ తీసుకోవడం వల్ల దంత సమస్యలు తగ్గుతాయి చిగుళ్లు వాయడం, చిగుళ్లు నుంచి రక్తం కారడం వంటి సమస్యలు తగ్గుతాయి. ఈ మిశ్రమాన్ని ప్రతిరోజు సేవించడం వలన అర్శ్మ మొలలు, ఎర్ర బట్ట వంటి సమస్యలు తగ్గుతాయి. బంతి పువ్వు రెక్కలు ఆకులను మిరియాల తో కలిపి నూరుకోవాలి. ఈ మిశ్రమాన్ని అన్ని తీసుకుంటే మూత్రంలో రక్తం పడటం, చీము కారడం వంటి సమస్యలను నివారిస్తుంది. ఈ మిశ్రమం అన్ని రకాల మూత్ర సంబంధిత సమస్యలను తగ్గిస్తుంది.
బంతి పువ్వుల రెక్కలు ఒక కిలో, బంతి ఆకుల రసం ఒక లీటర్, నువ్వుల నూనె అర లీటర్ తీసుకోవాలి. వీటన్నింటిని ఒక పాత్రలో వేసి నూనె మాత్రమే మిగిలే వరకు మరిగించాలి. ఇలా తయారు చేసుకున్న నూనెను ఒక గాజు సీసాలో నిల్వ చేసుకోవాలి. ఈ నూనెను ప్రతి రోజూ కీళ్ల నొప్పులు ఉన్నచోట రాసుకుంటే కీళ్ల నొప్పులు తగ్గుతాయి. నుదుటిపై రాసుకొని మర్దనా చేసుకుంటే తలనొప్పి ఇట్టే తగ్గిపోతుంది. చెవి పోటు తో బాధపడుతున్న వారు ఈ నూనెను రెండు చుక్కలు చెవిలో వేసుకుంటే వెంటనే ఉపశమనం కలుగుతుంది. చర్మంపై ఉన్న పొక్కులు, కురుపులు ఉన్నచోట ఈ నూనె రాసుకుంటే త్వరగా తగ్గుతాయి.
బంతి పువ్వుల రెక్కలని తీసుకుని తగినంత ఉప్పు, జీలకర్ర, కరివేపాకు లను తీసుకుని నేతిలో వేయించాలి. వీటిని దంచి పొడి చేసుకోవాలి. ప్రతిరోజు ఈ పొడిని తీసుకంటే మలం ద్వారా రక్తం పడటం తగ్గుతుంది. మూత్రాశయం లో ఉండే రాళ్ళు కరిగిపోతాయి. వికారం, వాంతులు, పైత్యం ను తగ్గిస్తుంది. బంతి పువ్వుల గింజల పొడిలో సమానంగా చక్కెరను కలిపి ప్రతిరోజు ఒక స్పూన్ మోతాదులో తీసుకుంటే అతి కామోద్రేకం తగ్గుతుంది. నాడీ వ్యవస్థను మెరుగు పరుస్తుంది. మనసును ప్రశాంతంగా ఉండేలా చేస్తుంది.