Mulla Thota Kura: పంట పొలాల్లో ఎక్కువగా కలుపు మొక్కలు కనిపిస్తూ ఉంటాయి.. చాలా మంది వాటిలో ఉన్న ఔషధ గుణాలు తెలియక కలుపు మొక్కలు గా భావించి పీకేస్తుంటారు.. అటువంటి వాటికి చెందినదే ముళ్ళ తోటకూర.. వరి పొలాల్లో ఇది ఎక్కువగా కనిపిస్తుంటుంది.. ముళ్ళ తోటకూర వలన ఎటువంటి ఆరోగ్య ప్రయోజనాలు చేకూరతాయో ఇప్పుడు చూద్దాం..!!
ఈ తోట కూర కొమ్మల చివరన ముళ్ళు ముళ్ళు ఉంటాయి. అందుకే దీనిని ముళ్ళ తోటకూర అని పిలుస్తారు.. ముళ్ళ తోటకూర ఎరుపు, ఆకుపచ్చ, తెలుపు రంగులలో లభిస్తుంది.. వీటిలో పోషకాలు ఎక్కువగా ఉంటాయి. ఈ చెట్టు వేర్లను తెచ్చుకుని శుభ్రంగా కడిగి ఆరబెట్టుకోవాలి. వీటిని నిల్వ చేసుకొని అవసరమైనప్పుడు ఉపయోగించవచ్చు. ఎండించిన ఈ చెట్టు వేర్లను ఒక సాన రాయి మీద అరగదీసి వచ్చిన మిశ్రమాన్ని ఒక గ్లాస్ నీటిలో కలిపి భోజనానికి అరగంట ముందు తీసుకోవాలి. ఇలా తీసుకుంటే సెగ రోగాలను నయం చేస్తుంది. ఎండబెట్టిన ఈ చెట్టు వేళ్లను దంచి పొడిచేసుకోవాలి. ఈ పొడిని పావు చెంచా తీసుకుని ఒక గ్లాసు గోరువెచ్చని నీటిలో కలిపి ఆహారానికి అరగంట ముందు తీసుకుంటే మూత్రంలో రాళ్ళు కరిగిపోతాయి.
ముళ్ళ తోటకూర వేర్ల పొడి పావు చెంచా, తేనె అర చెంచా, పటికబెల్లం అరచెంచా తికుకోవలి. బియ్యం కడిగిన నీరు ఒక కప్పు తీసుకొని అందులో పైన చెప్పుకున్న పదార్థాలన్నింటినీ కలిపి తీసుకుంటే ఎర్ర బట్ట వ్యాధి తగ్గుతుంది. ఈ చెట్టును సమూలంగా తీసుకొని దంచి రసం తీసుకోవాలి. ఈ రసం పాము కాటు, తేలు కాటు నుంచి రక్షిస్తుంది. శరీరానికి విషం పాకాకుండా చేస్తుంది.