Multi Vitamin: మల్టీ విటమిన్ మొక్క ను మనం నిత్యం చూస్తూనే ఉంటాం.. ఈ మొక్క ఆకులు చూడటానికి కరివేపాకు లా ఉంటాయి. కానీ కరివేపాకు చెట్టు కాదు. ఈ చెట్టు కు ఎర్ర పూలు పూస్తాయి. ఈ మొక్కని మల్టీ విటమిన్, చక్రముని, కట్టుక్, స్వీట్ లీఫ్ అని కూడా పిలుస్తారు. మల్టీ విటమిన్ మొక్క లో అనేక ఔషధ గుణాలు ఉన్నాయి..!! ఈ మొక్క వలన స్ట్రెస్ ఎలా తగ్గుతుందో చూద్దాం..!!
మల్టీ విటమిన్ మొక్క ఆకులలో విటమిన్ ఎ, బి, సి, ఫ్లేవనాయిడ్స్, కేరోటనాయిడ్స్, సఫోనాయిడ్స్, ప్రోటీన్స్ మినరల్స్, ఆల్కలాయిడ్స్, కార్బోహైడ్రేట్స్ సమృద్ధిగా లభిస్తాయి. ఇన్ని రకాల ఔషధ గుణాలు ఉన్నాయి కాబ్బటే దీనిని మల్టీ విటమిన్ మొక్క అంటారు. ఈ ఆకులలో ఉండే అనేక రకాల ఫ్లేవనాయిడ్స్ స్ట్రెస్ ను అమాంతం తగ్గించడానికి సహాయపడుతుంది. ఒత్తిడి, డిప్రెషన్ ను పోగొడుతుంది. ఈ ఆకులతో పప్పు, కూర, కారం పొడి, పచ్చడి, రసం వంటి రకరకాల ఆహారాలు తయారు చేసుకుని తినవచ్చు. ఇలా ఈ మొక్క ఆకులు తీసుకుంటే నాడీ వ్యవస్థను మెరుగుపరుస్తుంది. మెదడు సంబంధిత సమస్యలు రాకుండా చేస్తుంది.
ఈ చెట్టు వేర్లను తల తిరగకుండా ఉండేందుకు ఉపయోగించే మందుల తయారీలో ఉపయోగిస్తున్నారు. ఈ మొక్కలో ఉండే విటమిన్స్, మినరల్స్ శరీరంలో కణాల అభివృద్ధికి సహాయపడుతుంది. బాలింతలు తీసుకుంటే పాలు వృద్ధి చెందుతాయి. ఈ మొక్క ఆయుర్వేద వైద్యంలో గర్భం కోల్పోకుండా, ఊపిరి తిత్తుల జబ్బులకు, తలనొప్పి, మూత్ర సమస్యలకు ఇంకా పలు రకాల ఔషధాల తయారీలో నేటికీ ఉపయోగిస్తున్నారు. అందువలన ఈ మొక్క మీ అవరణలో పెంచుకోండి. ఈ ఆకులను మీ డైట్ లో భాగం చేసుకోండి.
