Tangedu Flower: తంగేడు మొక్క Tangedu Plant ను మనం నిత్యం చూస్తూనే ఉంటాం.. ఈ చెట్టు పూలు పసుపు పచ్చ రంగులో బంగారు వర్ణంలో ఉంటాయి. ఈ పూలు బంగారం కంటే విలువైనవి. ఈ పూలు ఎన్నో ఔషధ గుణాలు కలిగి ఉంది. తంగేడు పూలు అనేక ఆరోగ్య ప్రయోజనాలు చేకూరుస్తాయి.. అవేంటో ఇప్పుడు తెలుసుకుందాం..!!
Tangedu Flower: తంగేడు పూలతో డయాబెటిస్ కు చెక్..!!
తంగేడు పూలను ఎప్పటి నుంచో ఆయుర్వేద వైద్యంలో ఉపయోగిస్తున్నారు.. ఈ పూల కషాయం తాగితే మధుమేహం (Diabetes) తగ్గుతుందని ఆయుర్వేద వైద్య నిపుణులు చెబుతున్నారు. ఇందుకోసం తంగేడు పువ్వుల రెక్కలు , ఒక స్పూన్ నల్ల వక్కల పొడి తీసుకోవాలి. ఒక బాండీలో రెండు గ్లాసుల నీళ్లు పోసి అందులో తంగేడు పువ్వుల రెక్కలు, నల్ల వక్కల పొడి వేసి బాగా మరిగించాలి. ఈ నీటిని వడపోసుకోని తాగాలి. ఇలా ప్రతి రోజు తాగితే డయాబెటిక్ లెవెల్స్ అదుపులో ఉంచుతుంది. మధుమేహం తగ్గించడానికి ఈ కషాయం అద్భుతంగా పనిచేస్తుంది.
అతి మూత్ర వ్యాధి (Urinary problems) తగ్గడానికి తంగేడు పూలను ఎండలో ఎండబెట్టాలి. బాగా ఎండిన తరువాత ఈ పూలను దంచి పొడి చేసుకోవాలి. ఈ పొడికి సమాన మోతాదు లో బెల్లం కలపాలి. ఈ చూర్ణం ను ఒక సీసాలో నిల్వ చేసుకోవాలి. ఈ మిశ్రమం ను ప్రతి రోజు అర స్పూన్ తీసుకోవాలి. ఈ తీసుకోవటం వలన మూత్రం ఎక్కువగా రావటం, నరాల బలహీనతను తగ్గిస్తుంది. మూత్ర సంబంధిత సమస్యలను తగ్గిస్తుంది. తంగేడు పూలను ఎండ బెట్టుకుని ఆ పూలను ఒక గ్లాసు నీటిలో వేసి బాగా మరిగించాలి. ఇలా తయరుచేసుకున్న కషాయం తాగితే తెల్లబట్ట సమస్య (White Discharge) తగ్గుతుంది. ఇలా నెల రోజులు తాగితే తెల్లబట్ట సమస్య త్వరగా తగ్గుతుంది.
తంగేడు పువ్వులు చూడడానికి అందంగానే కాక మన అందాన్ని పెంచుతాయి. ఇందుకు తంగేడు పూలను పొడిని తీసుకుని అందులో ముల్తానీ మట్టి కలపాలి. ఈ ప్యాక్ ను ముఖానికి అప్లై చేసి 15 నిమిషాల తర్వాత కడిగేయాలి. ఇలా చేస్తే ముఖం కాంతివంతంగా తయారవుతుంది. ఒకవేళ మీకు ముల్తానీ మట్టి పడకపోతే సున్ని పిండి, శనగ పిండి లేదంటే మీరు ఉపయోగించే ఏదైనా బాత్ పౌడర్ లో కలిపి రాసుకోవచ్చు. ఇది మీ ముఖాన్ని మెరిసేలా (Skin Brightening) చేస్తుంది.
