Eye Bags: కొంత మందికి రాత్రి నిద్రపోయి ఉదయం లేవగానే కంటి కింద వాపు కనిపిస్తుంది.. ఎప్పుడో ఒకసారి అయితే పర్వాలేదు కానీ.. ప్రతి రోజూ ఇలాగే జరుగుతుంటే మాత్రం అనుమానించాల్సిందే అంటున్నారు ఆరోగ్య నిపుణులు..!! కళ్ళకింద వాపులు, ఉబ్బులు ఉంటే అవి కొన్ని అనారోగ్య సమస్యలకు కారణం సంకేతం..!! అవేంటంటే..!?
ఉదయం, మధ్యాహ్నం లేని కంటి వాపులు.. రాత్రి నిద్రపోయి ఉదయం లేవగానే కంటి కింద వాపులు, ఉబ్బులు వస్తే మాత్రం కొన్ని అనారోగ్య సమస్యలకు సూచనలు. మధుమేహం, కాలేయ, మూత్రపిండాల బారిన పడుతున్నారని సంకేతం. ఎక్కువ రోజుల నుంచి ఈ సమస్య కనిపిస్తుంటే మాత్రం వెంటనే వైద్యుని సంప్రదించి తగు జాగ్రత్తలు తీసుకోవాలి. మధుమేహం వచ్చే ముందు, కాలేయ పనితీరు సరిగా లేనప్పుడు, మూత్రపిండాల వ్యాధులు వచ్చేటప్పుడు కళ్ళ కింద వాపులు కనిపిస్తాయి.
మధుమేహం, కాలేయ, మూత్రపిండాల వ్యాధులతో బాధపడుతున్న వారిలో కూడా కంటి కింద వాపులు కనిపిస్తాయి. ఎక్కువ కాలం గా మద్యపానం చేసేవారిలో కూడా కంటి కింద వాపులు వస్తాయి. అలాగే శరీరంలో సోడియం అధికంగా ఉన్నా, నీటి శాతం ఎక్కువగా ఉన్నా కూడా కంటి కింద వాపులు, ఉబ్బులు వస్తాయి. అందు వలన కంటి కింద క్యారీ బ్యాగ్స్ వస్తే మాత్రం వెంటనే వైద్యులను సంప్రదించి తగిన పరీక్షలు చేయించుకోండి.