Washing Machine: ఏమైనా మరకలు అంటిన బట్టలు విడిగా ఉతికితే మంచిది.లేదంటే ఆ మరకలు వేరే బట్టలకు కూడా అంటుకునే అవకాశం వుంది .డిటర్జెంట్ తో పాటు ఫ్యాబ్ లెస్ సాఫ్ట్నర్ ను కూడా వాడటం మంచిది.అది బట్టల రంగు లు పోనివ్వదు.దీనికి తోడు బట్టలు ఎక్కువ కాలం మన్నుతాయి కూడా . వాషింగ్ మిషన్ పై వున్నా సెట్టింగ్స్ కచ్చితంగా పాటించాలి.ఏ బట్టలు ఎలాంటి సెట్టింగ్స్ సరిపోతాయో చూసుకొని వాడితే బట్టలు ఎక్కువ కాలం మన్నికగా ఉంటాయి.
వాషింగ్ మిషన్లో వున్నా డ్రై యర్ని వాడటం కంటే కూడా సహజ సిద్దంగా ఆరుబయట ఆరేసుకోవడం అన్ని విధాలా మంచిది. ఇక్కడ మరొక విషయం ఏమిటంటే ప్రతి పదిహేను రోజులకు ఒకసారి లేదంటే ప్రతి నెల వాషింగ్ మెషిన్ ని శుభ్రపరచడం చాలా అవసరం.ముందుగా మనం రోజు డిటర్జెంట్ వేసే సొరుగు శుభ్రం చేసుకోవాలి. ఎందుకంటే ఇక్కడ మనం వేసిన వాషింగ్ పౌడర్ ఇరుక్కుపోయి.. అచ్చుగా ఉంటుంది. మీకు వీలుగా ఉంటే మొత్తం సొరుగు బయటకు తీసి డిటర్జెంట్ అంతా తొలగించి.. ఒక పాత టూత్ బ్రష్ తో శుభ్రం చేసి మళ్ళి పెట్టండి. వాషింగ్ మెషిన్ లో పౌడర్ కాకుండా వాషింగ్ లిక్విడ్ ని వాడండి .
లిక్విడ్ లో అదనంగా సడ్స్, సున్నితత్వం ఉంటాయి. మరియు డ్రం లో ఇరుక్కుపోయిన కరగకుండా అట్టలా ఉండి చెడువాసన రాకుండా ఉంటుంది.క్లీన్‌ ఫిల్టర్‌ను తరచుగా శుభ్రపరుస్తూ ఉండాలి. సన్నని దారం పోగులు,వెంట్రుకలు చేరితే వెంటనేతీసేసి శుభ్రపరచాలి.బట్టలు ఉతికిన తరువాత బయటి గాలి డ్రం లోపలి వెళ్లే టట్టుగా వాషింగ్ మిషన్ డోర్ కొంచెం సేపు తెరిచి ఉంచాలి. బట్టలు ఉతకడం అయిన తర్వాత పొడి క్లోత్ తో తడి లేకుండా మొత్తం శుభ్రం చేసుకోవాలి.
