Mental Health: నేటి ఉరుకుల పరుగుల జీవితంలో ఒత్తిడి సర్వసాధారణం అయిపోయింది.. అయితే ఒత్తిడి లోనే ఎక్కువ కాలం గడిపితే ఆరోగ్య సమస్యలు తప్పవని అంటున్నారు ఆరోగ్య నిపుణులు.. మానసిక ఒత్తిడిని తగ్గించుకోవడానికి ప్రతి ఒక్కరూ ప్రయత్నించాలి.. మానసిక ఒత్తిడి లేకుండా ఉండాలంటే ఎటువంటి జాగ్రత్తలు తీసుకోవాలో ఇప్పుడు చూద్దాం..!!
Mental Health: మానసిక ఒత్తిడి తగ్గించుకోండిలా..!!
మానసిక ఒత్తిడిని తగ్గించుకునేందుకు ప్రతి రోజు బ్రీతింగ్ ఎక్సర్ సైజులు చేయాలి ఊపిరితిత్తుల నిండా పిలుచుకొని నాలుగు సెకండ్ల తర్వాత వదలాలి. ఇలా రోజుకి చాలా సార్లు చేయాలి. ప్రతి రోజు అరగంట పాటు వ్యాయామం, యోగా, ధ్యానం, మెడిటేషన్ వంటివి చేయాలి. మానసిక ఒత్తిడి తో బాధ పడుతున్నవారు వాటిని వేయడం మంచిది. ఎటువంటి ఆలోచనలు లేకుండా ఒక అరగంట పాటు ధ్యానం చేయడం ఉత్తమం.
శారీరక శ్రమ మానసిక ఒత్తిడి పై ప్రభావం చూపుతుంది. అందువలన శారీరక శ్రమ కలిగించే పనులను ఎక్కువగా చేస్తూ ఉండండి. మానసిక ఒత్తిడి ఉన్న వారు మీ సన్నిహితులు, బంధువులతో కాసేపు కాలాన్ని గడపండి. మీకు ఇష్టమైన పని ఏదైనా చేయండి. మంచి పుస్తకం తీసుకొని చదవండి. లేదంటే మీకు నచ్చిన సినిమా ఏదైనా చూడండి.
కంటి నిండా నిద్రపోక పోయినా కూడా మానసిక ఒత్తిడి కలుగుతుంది. అందువలన రోజు ఒక నిర్ణీత సమయాన్ని నిర్దేశించుకుని ఆ సమయంలోనే నిద్రపోయేలా చూసుకోవాలి. ప్రశాంతమైన నిద్ర మనిషి ఆరోగ్యానికి ఎంతో అవసరం. మానసిక ఒత్తిడి గా ఉన్నప్పుడు పాలు లేదా గోరు వెచ్చని నీటిలో తేనె, నిమ్మరసం కలుపుకుని తాగితే వెంటనే ఉపశమనం కలుగుతుంది. ప్రతి రోజూ ఉదయం పరగడుపున ఒక గ్లాస్ గోరు వెచ్చని నీటిలో నిమ్మరసం తేనె కలుపుకుని తాగితే మానసిక ఒత్తిడి తగ్గి చురుకుగా ఉంటారు. ఒత్తిడిగా ఉన్నప్పుడు ప్రతి పది నిమిషాలకు ఒక సారి నీటిని తాగుతూ ఉండాలి. డీహైడ్రేషన్ సమస్య వలన కూడా మానసిక ఒత్తిడి కలుగుతుందని గుర్తుంచుకోవాలి. చికాకు, ఒత్తిడిని కలిగించే ఆలోచనలకు సాధ్యమైనంత దూరంగా ఉండటం ఉత్తమం.
