Health: ఆరోగ్యమే మహాభాగ్యమని మన పెద్దలు చెబుతుంటారు.. మన ఆరోగ్యాన్ని కాపాడుకునే బాధ్యత మన చేతుల్లో ఉందని ఆరోగ్య నిపుణులు చెబుతున్నారు.. ఆరోగ్య సమస్యలు వచ్చిన తర్వాత జాగ్రత్తలు తీసుకోవడం కంటే రాకముందే శ్రద్ధ తీసుకుంటే మేలంటున్నారు వైద్యులు.. చక్కటి ఆరోగ్యం కోసం సూత్రాలు పాటించండి..!! అవెంటంటే..!!
Health: ఈ ఆరు సూత్రాలతో ఆరోగ్యం పదిలం..!!
ప్రతి రోజూ ఉదయం కచ్చితంగా అల్పాహారం తీసుకోవాలి. అందులోనూ ముఖ్యంగా పూరీ, చపాతీ, దోసె లాంటివి కాకుండా తినాలి. ఉదయం బ్రేక్ ఫాస్ట్ లో సాధ్యమైనంత వరకు నూనె పదార్ధాలు తినకండి. ఇడ్లీ తింటే ఉత్తమం. ఇడ్లీ ని ఆరోగ్యకరమైన ఆహారంగా ప్రపంచ దేశాలు ఆమోదించాయి. నెలలో ఎక్కువ రోజులు ఇడ్లీ తినండి. అలాగే మొలకెత్తిన విత్తనాలు కూడా తీసుకోండి.
రెండో నియమం మూడు తెల్లటి పదార్థాలు ఉప్పు, పంచదార, మైదా పిండి తో చేసిన పదార్థాలని వీలైనంత తక్కువ తీసుకోండి. ఉప్పు ఎక్కువగా తీసుకుంటే అధిక రక్తపోటు, చెక్కర ఎక్కువగా తీసుకుంటే మధుమేహం, అధిక బరువు పెరుగుతారు. ఈ పదార్థాలు ఎక్కువగా తినకండి. రోగ నిరోధక శక్తిని పెంచి పండ్లు, కూరగాయలు తినాలి. రోగనిరోధక శక్తి తగ్గితే అనేక వ్యాధుల బారిన పడే అవకాశాలు ఎక్కువగా ఉంటాయి. శరీరానికి అవసరమైన పోషక ఆహారాన్ని అందించాలి. నిత్యం వ్యాయామం చేయాలి. రోజులో కనీసం అరగంట నుంచి గంట అయినా సరే నడవాలి. యోగా, మెడిటేషన్, ధ్యానం వాటిలో మీకు నచ్చిన పద్ధతిని ఎంచుకుని చేయాలి.