Pushpa: ఐకాన్ స్టార్ అల్లు అర్జున్ నటించిన “పుష్ప” ఎంతటి సెన్సేషనల్ హిట్ అయ్యిందో అందరికీ తెలిసిందే. సుకుమార్ దర్శకత్వంలో వచ్చిన ఈ సినిమా విడుదలైన ప్రతి చోట సూపర్ డూపర్ హిట్ టాక్ సొంతం చేసుకుంది. కనీసం ప్రమోషన్ కార్యక్రమాలు కూడా చేయకుండానే బాలీవుడ్ ఇండస్ట్రీలో రికార్డు స్థాయి కలెక్షన్లు కొల్లగొట్టడం అందరికీ ఆశ్చర్యాన్ని కలిగించింది. బన్నీ వేషధారణ సినిమాలో వేసిన స్టెప్పులు పలికిన డైలాగులు… ఒక్క తెలుగు ప్రేక్షకులను మాత్రమే కాదు దేశంలో విదేశాలలో సైతం చాలా మందిని ఆకట్టుకోవడం జరిగింది.
ఆస్ట్రేలియా క్రికెటర్ డేవిడ్ వార్నర్ అదేవిధంగా ఇండియన్ క్రికెటర్స్ చాలామంది పుష్పాలు బన్నీ వేసిన స్టెప్పులు మరియు పలికిన డైలాగులను సోషల్ మీడియాలో రీమేక్ చేసి వీడియోలు చేయడం అందరికీ తెలిసిందే. ఇండియన్ టీం స్టార్ క్రికెటర్ విరాట్ కోహ్లీ కూడా పుష్పలో తగ్గేదేలే… డైలాగులు గ్రౌండ్ లో పలికి… మొన్న వైరల్ అయ్యారు. ఇదిలా ఉంటే ఇప్పుడు తాజాగా మరో సీనియర్ స్టార్ క్రికెటర్.. పుష్పాలో శ్రీవల్లి పాటకి స్టెప్ లు… వేయడం మాత్రమే కాదు తగ్గేదేలే అంటూ కూడా అల్లు అర్జున్ మాదిరిగానే హావభావాలు పలికారు. ఆ సీనియర్ స్టార్ క్రికెటర్ మరెవరో కాదు సౌరవ్ గంగూలీ.
ఇటీవల ఓ టీవీ ప్రోగ్రాం కి వచ్చిన గంగూలీ… తనదైన శైలిలో “పుష్ప” లో స్టెప్పులు మరియు డైలాగులు పలకడం జరిగింది. ప్రస్తుతం ఈ వీడియో సోషల్ మీడియాలో వైరల్ గా మారింది. ఇదిలా ఉంటే “పుష్ప” సెకండ్ పార్ట్ వస్తున్న సంగతి తెలిసిందే. అయితే ఈ సెకండ్ పార్ట్ షూటింగ్ కి సంబంధించి జూన్ నెలలో ప్రారంభించి.. డిసెంబర్ వరకు కొనసాగించి విడుదల చేయాలని మేకర్స్ ఆలోచన చేస్తున్నట్లు సమాచారం. వాస్తవానికి ఏప్రిల్ నెలలో షూటింగ్ స్టార్ట్ చేయాలని అనుకున్నా గానీ జూన్ మాసంలో దేశం లో కరుణ కేసులు పెరిగే అవకాశం ఉండటంతో.. పుష్ప మేకర్స్ ఈ నిర్ణయం తీసుకున్నట్లు సమాచారం.
