బిగ్ బాస్ నాలుగో సీజన్ మొదటి వారం పూర్తయింది. ఇక ప్రేక్షకులకు వినోదం అందించడంలో బిగ్ బాస్ నిర్వాహకులు మిశ్రమ ఫలితాలను చవిచూశారు. మొదటి రెండు రోజులు చప్పగా సాగిన షో తర్వాత సీక్రెట్ హౌస్ లో ఉన్నవారు లోనికి రావడం తో కాస్త రసవత్తరంగా మారింది. చివరికి ప్రేక్షకులు సూర్య కిరణ్ కు మిగిలిన వారితో పోలిస్తే తక్కువ ఓట్లు వేయడంతో అతను ఈ సీజన్ నుండి ఎలిమినేట్ అయిన మొదటి కంటెస్టెంట్ అయ్యాడు.
అయితే మొదటి వారంలోనే స్పెషల్ అట్రాక్షన్ గా గంగవ్వ నిలిచింది. సోషల్ మీడియాలో కూడా ఆమెదే హవా. ఆమె చిన్న మాట మాట్లాడినా సెన్సేషన్ అయిపోతుంది. అలాంటి గంగవ్వ కు హౌస్ లో అందరూ సమానమే అని షో చూసిన ప్రతి ఒక్కరికి అర్థం అవుతుంది. అయితే మనం చూసే గంట ఎపిసోడ్ కాకుండా మిగతా 23 గంటలలో మంచి భాగాలను బిగ్ బాస్ నిర్వాహకులు కట్ చేసి ‘హాట్ స్టార్’ యాప్ లో ‘బిగ్ బాస్ అన్ సీన్’ గా ఉంచారు.
గంగవ్వ కు, మోనాల్ గజ్జర్ కు మధ్య జరిగిన సంభాషణ ఇప్పుడు ట్రెండింగ్ అవుతోంది. మోనాల్ కి తెలుగు సరిగ్గా రాదు. ఆమె తెలుగు పదాలు మాట్లాడేందుకు… నేర్చుకునేందుకు.. అర్థాలు తెలుసుకునేందుకు అష్టకష్టాలు పడుతూ ఉంటుంది. అయితే గంగవ్వ ఎంతో ఓపికగా తెలుగులో శరీర భాగాలను ఏమంటారో మోనాల్ కి చెప్పడం, వాటిని పలికేందుకు గజ్జర్ కష్టపడటం…. ఇక మోనాల్ సరిగ్గా ఆ మాట్లను అర్థం చేసుకునేందుకు గంగవ్వ తో పాటు మరో హెల్పర్ సహాయం తీసుకోవడం ప్రేక్షకులను బాగా అలరించింది అనే చెప్పాలి.
ఇదే సమయంలో మోనాల్ చాలా మంచిది అన్నట్లు గంగవ్వ అందరిముందు మాట్లాడడం కూడా చూశాం. సో వీరిద్దరి మధ్య ఇప్పటికే మంచి బాండింగ్ ఏర్పడింది అని అంటున్నారు. తన అమాయకత్వం కూడా మోనాల్ కి హౌస్ లో కలిసి వచ్చే అంశమే. తను సిసిఅలైన గేమ్ స్టార్ట్ చేసి స్ట్రాంగ్ కంటెస్టెంట్స్ జాబితాలో చేరుతుందని ఆమె ఫ్యాన్స్ ఆశిస్తున్నారు.