బిగ్ బాస్ నాలుగవ సీజన్ ఐదవ వారంలో ఎన్నో సర్ప్రైజ్ లు ఉండబోతున్నాయని తెలుస్తోంది. ఈవారం గంగవ్వ నామినేషన్ లో లేదు కానీ ఆమె బిగ్ బాస్ ఇంటి నుండి వెళ్ళిపోయింది. గంగవ్వ షో నుండి బయటికి వచ్చేసిందని సోషల్ మీడియాలో నెటిజన్లు ట్వీట్ల పై ట్వీట్లు వేస్తున్నారు. అసలు ఇంట్లో ఏం జరుగుతుంది అన్నది ప్రశ్నార్థకంగా మారింది.
ఈ సీజన్ లో గంగవ్వ స్పెషల్ కంటెస్టెంట్. ఈ విషయాన్ని నాగార్జున కంటెస్టెంట్లందరికీ ముందే చెప్పి ఆమెను జాగ్రత్తగా చూసుకోవాలని ఆదేశించారు. గంగవ్వ ను కొందరు సింపతి కోసం, మరి కొందరు ఓట్ల కోసం వాడేస్తున్నారు కానీ బాగానే చూసుకుంటున్నారు. ఇక షో రెండవ వారంలో ఒకసారి గంగవ్వ ఆరోగ్యం క్షీణించింది. ఆ వాతావరణం, తిండి, ఏసి గదులు గంగవ్వ కు పడలేదు. బిగ్బాస్ దగ్గరికి వెళ్లి గంగవ్వ ఈ విషయమై మొరపెట్టుకుంటే అతను వైద్యం చేయించాడు.
ఆ తర్వాత అవ్వ మరింత హుషారుగా తయారయింది. అయితే నిన్నటి ఎపిసోడ్ లో గంగవ్వ మరలా అనారోగ్యానికి గురైనట్లు కనిపిస్తోంది. తిండి సరిగ్గా తినకపోవడం, తను ఇంటి నుండి వెళ్లిపోవాలని అనుకుంటున్నట్లు కంటెస్టెంట్ లకు చెప్పుకొచ్చింది. ఇక ఆమె ఆరోగ్యం బాగా లేకపోవడంతో ఆమెను బిగ్ బాస్ బయటకు పంపించినట్లు తెలుస్తోంది. కానీ గంగవ్వ ఇలా వెళ్ళడం ఎలిమినేషన్ కిందకు రాదు. ఆమెకు కనుక ఆరోగ్యం బాగా అయితే తను ఇంట్లోకి ప్రవేశించాలి అని అనుకుంటే బిగ్ బాస్ అనుమతిని ఇవ్వవచ్చు.