బంగారంపై భారతీయ మహిళలకు ఉన్న మోజు అంతా ఇంతా కాదని వేరుగా చెప్పనవసరం లేదు.వరల్డ్ గోల్డ్ కౌన్సిల్ తాజాగా బయటపెట్టిన గణాంకాలే ఇందుకు నిలువెత్తు నిదర్శనంగా నిలుస్తున్నాయి.మన దేశంలో భారతీయ మహిళలకున్నంత బంగారం అనేక అగ్రదేశాలను అన్నీ కలిపినా కూడా లేదని ఆ నివేదిక వెల్లడించింది.
భారతీయ మహిళలకు ఉన్న బంగారం 21773 టన్నులట!
భారతీయ మహిళలకు ఉన్న బంగారం 21773 టన్నులట!
భారతదేశంలో ఉన్న మహిళలు అందరూ వద్దా కలిపి 21773 టన్నుల బంగారం ఉందని వరల్డ్ గోల్డ్ కౌన్సిల్ తెలిపింది.ఇంతకు దగ్గర్లో మరే దేశమూ లేదని కూడా పేర్కొంది.అగ్రరాజ్యమైన అమెరికా మహిళల వద్ద కేవలం 8133 టన్నుల బంగారం మాత్రమే ఉందట.అలాగే జర్మనీలో 3362,ఇటలీలో 2451,ఫ్రాన్స్ లో2436,రష్యా లో 2298,చైనాలో 1948,స్విట్జర్లాండ్ లో 1040 టన్నుల బంగారం ఆయా దేశాల మహిళల వద్ద ఉందని గోల్డ్ కౌన్సిల్ వివరించింది .ఈ ఏడు దేశాల వద్ద ఉన్న బంగారం మొత్తం కలిపి కూడినా భారత దేశంలో ఉన్నంత లేకపోవటం ఇక్కడ విశేషం.
బట్టల తరవాత బంగారం పైనే మహిళలకు క్రేజ్!
బట్టల తరవాత బంగారం పైనే మహిళలకు క్రేజ్!
ఇందుకు గల కారణాలను గోల్డ్ కౌన్సిల్ విశ్లేషిస్తూ భారతీయ మహిళలు మొదటగా దుస్తులను ఇష్టపడతారని,తదుపరి బంగారంపై కన్ను వేస్తారని పేర్కొంది. అరవై శాతం మంది మహిళలకు బట్టల మీద ఇష్టం ఉంటే నలభై శాతం మంది బంగారంపై మక్కువ చూపుతారని కౌన్సిల్ పేర్కొంది.ఏమాత్రం అవకాశం లభించినా, ధన సౌలభ్యం దొరికినా మహిళలు ఈ రెండింటి కొనుగోలుకు ఏమాత్రం వెనుకాడరని తెలిపింది.
బంగారం మార్కెట్ కు ఉజ్వల భవిష్యత్!
బంగారం మార్కెట్ కు ఉజ్వల భవిష్యత్!
ఈ నేపథ్యంలో ఇండియాలో బంగారం మార్కెట్ కు ఉజ్వల భవిష్యత్తు ఉందని గోల్డ్ కౌన్సిల్ అభిప్రాయపడింది.నిజానికి ఇప్పుడు అరవై శాతం మంది మహిళలు తమకు పుట్టింటి అత్తింటి వారి నుండి వచ్చిన నగలతోనే సరిపెట్టుకుంటున్నారని చెప్పింది.నలభై శాతం మంది మాత్రమే కొత్తగా కొనుగోలు చేస్తున్నారని గణాంకాలు ఇచ్చింది.అయితే ఇప్పటివరకు బంగారం కొనని అరవై శాతం మంది మహిళల్లో ఎక్కువమంది తమ వద్ద ఉన్న నగల డిజైన్లు పాతవయిపోయాయనే కారణంగా కొత్త మోడల్స్ కొనుగోలు కోసం తహతహలాడుతున్నారని,అందువల్ల రానున్న రోజుల్లో బంగారం కొనుగోళ్లు భారీగా పెరగగలవని గోల్డ్ కౌన్సిల్ విశ్లేషించింది.ఇది గోల్డ్ మార్కెట్ కు ఉపకరించగలదని పేర్కొంది.