Good Sleep: రోజంతా శారీరక కష్టంతో మనిషి అలసిపోతాడు.. రాత్రిపూట సుఖమైన నిద్ర పోతే మరునాటికి చక్కటి ఉత్సాహంతో రోజు ప్రారంభిస్తాడు..!! మనిషి కూడా యంత్రమే దానికి కూడా రెస్ట్ కావాలి.. అయితే నేటి ఆధునిక జీవన విధానంలో ఎక్కువ సేపు నిద్ర పోవడం లేదు.. ముఖ్యంగా కంటినిండా నిద్ర పోవడం లేదు.. మరికొంతమందికి నిద్రలేమి సమస్య వెంటాడుతోంది.. కారణాలు ఏవైనప్పటికీ హాయిగా నిద్ర పోవటం ముఖ్యం.. చక్కటి నిద్ర పట్టడానికి ఈ పూలు పక్కన పెట్టుకుంటే చాలు హాయిగా నిద్ర పట్టేస్తుంది..!! అవేంటో ఇప్పుడు తెలుసుకుందాం..!!
సువాసనలు వెదజల్లే మల్లెపూల గురించి ప్రత్యేకంగా చెప్పనవసరం లేదు. వీటిని ఆయుర్వేద ఔషధాల తయారీలో ఉపయోగిస్తారు. సౌందర్య ఉత్పత్తుల లోనూ పర్ఫామెన్స్ లోనూ దీనికు ప్రత్యేక స్థానం ఉంది. రోజంతా కష్టపడి అలసిపోయిన శరీరాన్ని సేదతీర్చి, మనసంతా ఆహ్లాదాన్ని నింపి, మధురాను భూతులను పంచే మల్లెల గుబాళింపుల నడుమ హాయిగా కునుకు పట్టేస్తుంది. ప్రతిరోజు రాత్రి మీరు నిద్ర పోయేటప్పుడు మీ దిండు పక్కన గుప్పెడు మల్లెపూలను పెట్టుకుంటే చాలు. హాయిగా నిద్ర పట్టేస్తుంది. లేదంటే దీర్ఘశ్వాస తో మల్లెపూల సువాసనను అలా రోజుకు పది సార్లు చేస్తే మంచి నిద్ర పడుతుంది ఈ విధంగా ఉంటుంది. అంతే కాకుండా ప్రతిరోజూ మల్లెపూలను తలలో పెట్టుకోవటం వల్ల ఆహ్లాదంగా ఉంటుంది. కళ్ళకు మేలుచేస్తుంది. అలసిన కనురెప్పలపై మల్లెపూలను కొంచెంసేపు ఉంచుకుంటే కళ్ళకు చలవ చేస్తాయి. బాగా నిద్ర పడుతుంది. మరింకెందుకు ఆలస్యం మీరు కూడా ఈ రోజే ఈ మల్లెపూలను నీ పక్కన పెట్టుకొని చూడండి.. ప్రశాంతమైన నిద్ర పట్టేస్తుంది.
మల్లెపూలతో మీరు చేసిన టీ తాగితే డయాబెటిస్ ఉన్నవారికి చాలా మంచిది. రక్తంలో చక్కెర స్థాయిలను తగ్గించే గుణం మల్లెపూలకు ఉంది. గుప్పెడు మల్లె పూలు కొబ్బరి నూనెలో వేసి ఒక రోజంతా నానబెట్టాలి. ఆ తరువాత ఆ నూనెను మరిగించి వడపోసి కోవాలి. ప్రతిరోజూ నూనెను తలకు మర్దన చేసుకుంటే జుట్టు కుదుళ్లకు పోషణ అందుతుంది. మల్లెపూలను మెత్తగా నూరి ఆ మిశ్రమాన్ని కళ్లపై పెట్టుకుని తడి గుడ్డ చుట్టుకొని ఉంచుకోవాలి ఇలా చేయడం వల్ల కంటి నుంచి నీరు కారడం, కంటి మంట, కళ్ళు మూసినా తెరిచినా చికాకు పెట్టడం వంటి సమస్యలు తగ్గుతాయి. గులాబి పూలు, మల్లె పూలు సమంగా తీసుకుని మెత్తగా నూరి రసం తీసుకోవాలి. రసాన్ని ముఖానికి రాసుకుంటే ఒక కాంతివంతంగా తయారవుతుంది. మల్లెపూల వాసన పీలిస్తే తలనొప్పి త్వరగా తగ్గిపోతుంది.