Maria Telkes Google Doodle Video: ప్రముఖ సౌర శక్తి శాస్త్రవేత్త మరియా టెల్కెస్ గౌరవార్థం గూగుల్ యానిమేటెడ్ డూడల్ లో ఆమె లోగోను ఆవిష్కరించారు. మారియా టెల్కేస్‌ 1900 డిసెంబర్ 12 హంగేరీ లోని బుడాపెస్ట్ లో జన్మించడం జరిగింది. 1924లో బుడాపెస్ట్ విశ్వవిద్యాలయంలో సైన్స్ విభాగం నందు విద్యను కొనసాగించి పీహెచ్.డీ పొందుకోవటం జరిగింది. అనంతరం అమెరికాలో బంధువుల ఇంటికి వెళ్లడం జరిగింది. ఆ తర్వాత తన చదువును అక్కడ కొనసాగించి బయో ఫిజిక్స్ మరియు జీవులచే సృష్టించబడిన శక్తి పరిశోధనలలో.. అనేక పరిశోధనలు చేయడం జరిగింది. ఆ రీతిగా ఆమె ఆసక్తి వేడినీ.. శక్తిగా మార్చడానికి మార్గాలను కనుగొనే దిశగా.. చదువు కొనసాగించింది. ఈ సమయంలో అమెరికా పౌరసత్వం కూడా సంపాదించింది.
ఈ దిశగా మరియా టెల్కెస్ పరిశోధనలు కొనసాగుతూ 1939 సౌరశక్తిపై దృష్టి పరిశోధనలు జరుపుతున్న MIT రీసెర్చ్ బృందంలో చేరింది. సౌర శక్తి పరిశోధనలకు సంబంధించి.. అనేక ఫలితాలు రాబట్టి మంచి నైపుణ్యారాలుగా పేరు సంపాదించింది. అనంతరం రెండో ప్రపంచ యుద్ధ సమయంలో అమెరికా ప్రభుత్వ శాస్త్రీయ పరిశోధన ఇంకా అభివృద్ధి కార్యాలయంలో సౌరశక్తికి సంబంధించి సాంకేతికత కోసం వినూత్న ఆలోచనల విషయంలో మారియా టెల్కేస్‌ కి పదవి లభించింది. అమెరికా సైనిక విభాగాలలో మారియా టెల్కేస్‌ అందించిన పరిశోధనల ఫలితాలు ఎంతగానో మేలు చేశాయి. సముద్రపు నీటిని మంచినీరుగా మార్చే దిశగా.. సోలార్ డిస్టిల్ వాటర్ గా మరియా టెక్స్ పరిశోధనలు సత్ఫలితాలు ఇచ్చి సముద్రంలో యుద్ధం చేసే అమెరికా సైనికులకు దాహం తీర్చేలా చేశాయి. ఈ క్రమంలో MIT పరిశోధన బృందం ఆమె ఎదుగుదలను ఓర్వలేక ఆమెను దెబ్బతీయటానికి అనేక ప్రయత్నాలు స్టార్ట్ చేశారు. అయినా కానీ మరియా టెక్స్ ఎక్కడ వెనుకడుగు వేయకుండా… తన పరిశోధనలను కొనసాగించడం విశేషం.
ఈ రీతిగా సోలార్ పరిశోధనలో ఆమె పేరు మారుమ్రోగుతున్న టైములో 1948లో ఓ ప్రముఖ ద్రాతృత్వవేత్త అందించిన నిధులతో సూర్యకాంతి యొక్క వేడిని గోడల మధ్య ఒక ప్రత్యేక పదార్థం లోకి ప్రసారం చేసే వ్యవస్థను రూపొందించింది. ఈ రీతిగా గోడల మధ్య నిల్వచేయబడిన శక్తిని వేడిగా విడుదల చేసే రీతిలో… శీతాకాలంలో చలిగా ఉన్న ఇళ్లను వేడిగా మార్చే దిశగా డోవర్ సన్ హౌస్ లను నిర్మించడం జరిగింది. ఇక 1953లో MIT బృందం నుండి బయటకు వచ్చేసి న్యూయార్క్ యూనివర్సిటీ కాలేజ్ ఆఫ్ ఇంజినీరింగ్ లో సౌర శక్తి పరిశోధనల విషయంలో మరింత ముందడుగు వేసి.. సౌరశక్తి ద్వారా పనిచేసే ఓవెన్ నీ కనిపెట్టింది. మరియా టెక్స్ కనిపెట్టిన ఓవెన్ ఆమెకు ఎంతగానో పేరు తీసుకొచ్చింది.
ఈ పరిశోధనతో ఫోర్డ్ ఫౌండేషన్ నుండి ఆమెకు గ్రాంట్ కూడా ఇవ్వబడింది.ఈ ఓవెన్ ద్వారా.. ఇళ్లల్లో మాత్రమే కాదు అమెరికా రైతులకి బాగా ఉపయోగపడింది. ఇప్పటికి కూడా ఈ ఓవెన్ లు వాడుకలో ఉన్నాయి. ఫోర్డ్ ఫౌండేషన్ తో కలిపి ఆమె పరిశోధనలు కొనసాగించి దాదాపు.. సోలార్ కంపెనీలకు సంబంధించి 20 కంపెనీలను ప్రారంభించడం జరిగింది. సోలార్ ఎనర్జీ ద్వారా మరియా టెక్స్ చేసిన పరిశోధనలకు వచ్చిన ఫలితాలకు ఆమెకు “సన్ క్వీన్” అనే బిరుదు కూడా రావటం జరిగింది. అంతేకాదు 1952లో ప్రపంచంలో సొసైటీ ఆఫ్ ఉమెన్ ఇంజనీర్స్ అచీవ్మెంట్ అవార్డు పొందిన మొదట మహిళగా మారియా టెల్కేస్‌ హిస్టరీ సృష్టించారు. నేడు ఆమె జయంతి కావటంతో గూగుల్ ప్రత్యేకంగా ఆమెను సత్కరిస్తూ ఉంది.
