Gout: గౌట్ అనేది కీళ్లలో వాపును కలిగించే కీళ్ల నొప్పులు.. మీకు డౌట్ ఉంటే కాలి బొటనవేలు వద్ద వాపు, పాదాల జాయింట్స్ వద్ద నొప్పి గా ఉంటాయి.. కాలివేళ్ల వద్ద హఠాత్తుగా వచ్చే నొప్పిని గౌట్ అటాక్ అని అంటారు.. ఈ సమస్య వచ్చినప్పుడు పాదం మండిపోతున్నటు ఉంటుంది.. రక్తంలో యూరిక్ యాసిడ్ అధికంగా ఉన్నప్పుడు కూడా గౌట్ వ్యాధి వస్తుంది.. దాని వలన ఆ ప్రాంతం ఎరుపెక్కడం, తీవ్రమైన నొప్పి కలిగిస్తుంది.. గౌట్ ఈ సమస్యతో బాధపడుతున్న వారు ఈ ఆహారాలు తినకండి..!! అవేంటంటే..
Gout: గౌట్ రావడానికి కారణలు ఇవే..!!
ఈ వ్యాధిలో అరికాళ్ళ బొటన వేళ్ళు బాగా నొప్పిని కలిగిస్తాయి. నడుస్తుంటే తీవ్రమైన నొప్పిని కలగజేస్తుంది. ఈ సమస్య కొంత కాలం ఉండి దానంతట అదే తగ్గిపోతుంది. మళ్లీ వస్తుంది. రక్తంలో యూరిక్ యాసిడ్ పెరగడం వలన ఈ సమస్య వస్తుంది.
ప్రోటీన్స్ ఎక్కువగా ఉన్న ఆహారం లో ప్యూరిన్స్ ఉంటాయి. ఇది జీర్ణం అయ్యేటప్పుడు యూరికామ్లం తయారవుతుంది. మామూలుగా ఇది మూత్రంలో విసర్జించబడుతుంది. అయితే కొన్ని కొన్ని సందర్భాలలో ఇది పూర్తిగా వెళ్లకుండా రక్తంలో ఉండిపోతుంది. ఇలా రక్తంలో ఉండిపోయిన యూరిక్ ఆమ్లం స్పటిక రూపంలో కాలి బొటన వేలు కీళ్ల వద్ద ఉండి పోతుంది. దాని వలన బొటనవేలు వాచి నొప్పిని కలగజేస్తుంది.
Gout: గౌట్ ఉన్నవారు వీటి జోలికి వెళ్ళకూడదు..!!
ప్యూరిన్స్ ఎక్కువగా ఉన్న ఆహార పదార్థాలను తినకూడదు. మాంసం ఎక్కువగా తినకూడదు. మద్యం సేవించకూడదు. టీ, కాఫీలు ఎక్కువగా తాగకూడదు. ఈ సమస్య ఉన్నవారు ఎక్కువగా ఒత్తిడి, డిప్రెషన్ కలిగించే ఆలోచనలు దూరంగా ఉండాలి. కొంత మందికి గౌట్ సమస్య వంశపారంపర్యంగా కూడా వస్తుంది. వీరు మంచి నీళ్లు ఎక్కువగా తాగుతూ ఉండాలి.
తీపి పదార్థాలను ఎక్కువగా తినకూడదు. చెక్కెర ఉపయోగించిన పానీయాలను సేవించకూడదు. కూల్ డ్రింక్స్ , చల్లటి పానీయాలు జోలికి వెళ్ళకూడదు. మైదా, గోధుమ పిండితో తయారు చేసే అన్ని రకాల ఆహార పదార్థాలు తినకూడదు. సాల్మన్ ఫిష్ వీరు తీసుకోకూడదు. బ్రెడ్, పిజ్జా వంటివి తినకూడదు. ఇప్పుడు చెప్పుకున్న ఆహార పదర్థాలను తినకుండా ఉంటే ఈ సమస్య త్వరగా తగ్గుతుంది.