Hari Teja: అటు బుల్లితెర.. ఇటు వెండితెర ప్రేక్షకులకు సుపరిచితమైన నటి హరితేజ..!! ఇండస్ట్రీలో లో అడుగు పెట్టిన అతికొద్ది కాలంలోనే తనకంటూ ప్రత్యేక ఇమేజ్ను క్రియేట్ చేసుకుంది.. 2017 లో ప్రసారమైన బిగ్ బాస్ సీజన్ 1 లో ప్రేక్షకులకు మరింత చేరువయ్యింది హరితేజ.. ఏప్రిల్ 5న హరితేజ పండంటి ఆడ బిడ్డకి జన్మనిచ్చిన సంగతి తెలిసిందే.. తాజాగా ఈరోజు తన పెళ్లి రోజు సందర్భంగా తన చిన్నారి దీపు ను అందరికీ పరిచయం చేస్తూ ఇంస్టాగ్రామ్ ద్వారా ఒక ఫోటోను పోస్ట్ చేసింది..!!
భర్త దీపక్ తో కలిసి చిన్నారిని ఎత్తుకున్న ఫోటోను ఇన్స్టాగ్రామ్ ద్వారా పోస్ట్ చేసిన హరితేజ. “నువ్వు ఈ పెళ్లి రోజును మరింత ప్రత్యేకంగా, గుర్తుండిపోయేలా మార్చేసావు.. పెళ్లిరోజు శుభాకాంక్షలు దీపు.. అంటూ అందమైన క్యాప్షన్ జోడించింది హరితేజ.. హరితేజ, దీపక్ లు 2015 లో వివాహం చేసుకున్నారు..
హరితేజ సోషల్ మీడియాలో యాక్టివ్గా ఉంటుంది. తనకు సంబంధించిన ప్రతి విషయాన్ని తన అభిమానులతో షేర్ చేసుకుంటూ ఉంటుంది. ఈ సందర్భంగా తన చిన్నారి దీపు ను అందరికీ పరిచయం చేయడమే కాకుండా.. నీ రాకతో ఈ పెళ్ళి రోజును మరింత ప్రత్యేకం చేశావని మంచి ట్యాగ్ లైన్ జత చేసింది హరితేజ.
