Fenugreek Oil: ఇంట్లో పోపు దగ్గర నుంచి చారు పెట్టే వరకు ప్రతి దాంట్లోనూ మెంతులను ఉపయోగిస్తాము.. మెంతుల రుచి చేదైనప్పటికీ మన ఆరోగ్యానికి ఎంతో మంచి చేస్తుంది..!! మెంతులు ఆరోగ్యానికి, చర్మ సౌందర్యానికి, కేశ సంరక్షణకు అద్భుతంగా ఉపయోగపడుతుంది.. అందుకే మెంతుల కు ఆయుర్వేద వైద్యం లో ప్రత్యేక స్థానం కల్పించారు.. మెంతుల ఉపయోగాలు గురించి మనలో లో చాలా మందికి తెలిసిందే.. అయితే మెంతుల నూనె గురించి అది కొద్ది మందికి మాత్రమే తెలుసు.. మెంతుల నూనె మన ఆరోగ్యానికి ఎటువంటి ప్రయోజనాలు చేకురుస్తుందో ఇప్పుడు చూద్దాం..!!
Fenugreek Oil: మెంతుల నూనె ఆరోగ్యానికి ఆరోగ్యం అందానికి అందం..!!
మొటిమల సమస్యలతో బాధపడుతున్న వారు 5 చుక్కల మెంతుల నూనె 5 చుక్కల కొబ్బరినూనెలో కలిపి మొటిమలు ఉన్న చోట రాస్తే త్వరగా తగ్గుతాయి. మొటిమల వలన ఏర్పడిన ఎర్రదనాన్ని తగ్గిస్తుంది మొటిమల కారణంగా చర్మం ఎర్రబడటం, దాని వలన వచ్చే నొప్పిని తగ్గిస్తుంది. కొబ్బరి నూనె బదులు ఆలివ్ ఆయిల్, బాదం నూనె ను కూడా ఉపయోగించవచ్చు. మెంతుల నూనె లో మీకు నచ్చిన నూనెను సమాన మోతాదులో కలుపుకుని శరీరానికి రాసుకుని మర్దన చేసుకొని కాసేపటి తర్వాత గోరువెచ్చటి నీటితో స్నానం చేయాలి. ఇలా చేయడం వలన శారీరక నొప్పుల నుంచి వెంటనే ఉపశమనం లభిస్తుంది. చర్మంపై పేరుకుపోయిన మృత కణాలను తొలగించి చర్మాన్ని కాంతివంతంగా చేస్తుంది. చర్మం పై గుల్లలు, సెగగడ్డలు, కురుపులు ఉన్నా కూడా ఈ నూనెను రాసుకోవడం వలన తగ్గుతుంది. మెంతుల నూనె అన్ని రకాల చర్మ సమస్యలను నివారిస్తుంది.
3 స్పూన్స్ మెంతుల నూనె లో ఒక చెంచా నువ్వుల నూనె కలిపి తీసుకుంటే మధుమేహం నియంత్రణలో ఉంటుంది మెంతుల నూనె గ్లూకోజ్ ఇంటలరెన్స్ ను పెంచి రక్తంలో చక్కెర స్థాయిలను తగ్గిస్తుంది డయాబెటిస్ ఉన్నవారు ప్రతిరోజు దీనిని తీసుకుంటే మెరుగైన ఫలితాలు కనిపిస్తాయి. ఈ నూనె మూత్ర పిండాల సమస్యలు దరి చేరకుండా చూస్తుంది. మలబద్ధకం సమస్యతో బాధపడుతున్న వారు ఈ నూనెను తీసుకుంటే సుఖ విరోచనం అవుతుంది. ఈ నూనెలో ఉండే యాంటీ ఆక్సిడెంట్లు క్యాన్సర్ కారక కణాలతో వ్యతిరేకంగా పోరాడతాయి. తలనొప్పిగా ఉన్నప్పుడు ఈ నూనెతో మసాజ్ చేసుకుంటే వెంటనే ఉపశమనం కలిగిస్తుంది. నాడీ వ్యవస్థను మెరుగుపరుస్తుంది.
కఫం సమస్యతో బాధపడుతున్న వారు బాగా మరుగుతున్న నీటిలో పది చుక్కల మెంతుల నూనె వేసి ఆవిరి పీల్చితే కఫం తగ్గుతుంది. జలుబు నుంచి వెంటనే ఉపశమనం లభిస్తుంది. మెంతుల నూనె ను నేరుగా చర్మంపై రాయకూడదు. అలాగే నేరుగా నోటిలోకి తీసుకోకూడదు. ఇందులో ఏదైనా నూనె కలుపుకొని తీసుకోవాలి. ఈ నూనెను గర్భిణీ స్త్రీలు ఉపయోగించకూడదు. ఏవైనా ఆరోగ్య సమస్యలు ఉంటే వైద్యుల సూచనల మేరకే ఈ నూనెను ఉపయోగించాలి.