Acai Berries: పండ్లు తినడం మన ఆరోగ్యానికి చాలా మంచిది.. ప్రతిరోజు ఏదో ఒక రకం పండ్లు తినమని ఆరోగ్య నిపుణులు సూచిస్తున్నారు.. పండ్లలో బెర్రీస్ ఒకటి.. బెర్రీస్ లో చాలా రకాలు ఉన్నాయి.. వాటిలో అకాయ్ బెర్రీస్ ఒక రకం.. అకాయ్ బెర్రీస్ లో ప్రోటీన్స్, మినరల్స్ ఉన్నాయి.. ఇవి మన ఆరోగ్యానికి చేసే మేలు గురించి తెలిస్తే ప్రతి ఒక్కరూ ఆశ్చర్యపోతారు..!!
Acai Berries: అకాయ్ బెర్రీస్ వలన కలిగే ఆరోగ్య ప్రయోజనాలు ఇవే..!!
అకాయ్ బెర్రీస్ విటమిన్ ఏ, సీ, ఇ పుష్కలంగా ఉన్నాయి. ఇంకా కాల్షియం, ఫైబర్, ప్రోటీన్, మెగ్నీషియం, యాంటీ ఆక్సిడెంట్లు సమృద్ధిగా లభిస్తాయి. ఇంకా ఒమేగా 3 ఫ్యాటీ యాసిడ్స్ ఉన్నాయి. వీటన్నింటి కలగలిపిన సమ్మేళనమే అకాయ్ బెర్రీస్.. వీటి వలన ఇవి ఆరోగ్యానికి ఎంతో మేలు చేస్తాయి.
ఒక అధ్యయనం ప్రకారం, ఒక నెల రోజుల పాటు అకాయ్ బెర్రీస్ తిన్న వారి రక్తంలో గ్లూకోజ్ స్థాయిలు అదుపులో ఉన్నాయని తేలింది. ముఖ్యంగా ఇన్సులిన్ ఉత్పత్తి తగ్గించడంతో పాటు చెడు కొలెస్ట్రాల్ స్థాయిలు కూడా తగ్గాయి. ఈ పండ్లలో ఫైబర్ ఎక్కువగా ఉంటుంది. వీటిని తినటం వలన ఎక్కువ ఆకలి వేయకుండా చేస్తుంది. ముఖ్యంగా మధుమేహు లలో కొంతమందికి ఎక్కువగా ఆకలి వేస్తుంది. అలా ఆకలి వేయకుండా చేయడానికి ఈ పండు సహాయపడుతుంది.
ఈ పండ్లలో యాంటీ ఆక్సిడెంట్స్ సమృద్ధిగా ఉన్నాయి. ఇవి చర్మ ఆరోగ్యాన్ని మెరుగుపరుస్తాయి. ఇవి వృద్ధాప్యం లో వచ్చే ముడతలను తగ్గిస్తుంది. అకాయ్ బెర్రీస్ వృద్ధాప్య ఛాయలు తొలగిస్తాయి. ఈ పండు ను పలు రకాల చర్మ సౌందర్య ఉత్పత్తుల తయారీలో ఉపయోగిస్తున్నారు. పండులో ఉండే ఫైబర్ జీర్ణ క్రియను మెరుగుపరుస్తుంది. చిన్న పేగులను శుభ్ర పరచడానికి సహాయపడుతుంది.
శరీరం లో నిల్వ ఉన్న చెడు కొలెస్ట్రాల్ ను కరిగిస్తుంది. అతిసారం వచ్చే అవకాశలను తగ్గిస్తుంది. ఇవి జుట్టు రాలకుండా ఉండడానికి సహాయపడతాయి. ఇది దంత ఆరోగ్యాన్ని మెరుగుపరుస్తాయి. కంటి సంబంధిత సమస్యలు తలెత్తకుండా చేస్తాయి. అకాయ్ బెర్రీస్ నాడీ రుగ్మతలు అభివృద్ధి నుండి మెదడును రక్షిస్తాయి ఇవి జ్ఞాపకశక్తిని మెరుగు పరుస్తాయి. వీటిలో ఉండే యాంటీ సెప్టిక్, యాంటీ ఇన్ఫ్లమేటరీ గుణాలు గాయాలు, పుండ్లు త్వరగా నయం కావడానికి దోహదపడతాయి.