Camphor: హిందువులు తమ పూజా విధానంలో కర్పూరం ఉపయోగిస్తారు.. కొంత మంది భారతీయులు కర్పూరమును వంటలలో కూడా వాడుతున్నారు.. కర్పూరం చెట్టు నుంచి లభిస్తుంది.. దీనిలో ఉండే ఔషధ గుణాలు అనేక అనారోగ్య సమస్యలను నివారిస్తాయి..!! ఏ సమస్యకు ఏ విధంగా కర్పూరాన్ని ఉపయోగించాలో ఇప్పుడు తెలుసుకుందాం..!!
కర్పూరం లో యాంటీ బాక్టీరియల్, యాంటీ వైరల్ గుణాలు ఉన్నాయి.. కర్పూరాన్ని కొబ్బరి నూనెలో కలిపి జుట్టుకు రాసుకుంటే తలలో ఉన్న చుండ్రు తగ్గిపోతుంది. జుట్టు నల్లగా మారుతుంది. తలలో పేలు ఉన్నాకూడా తగ్గుతాయి. కర్పూరం మనసుకు ప్రశాంతతను అందిస్తుంది. కొబ్బరి నూనెలో కర్పూరం వేసి చర్మంపై మచ్చలు ఉన్న చోట రాస్తే అవి త్వరగా తగ్గిపోతాయి. టెన్షన్, ఒత్తిడి గా ఉన్నప్పుడు మీరు ఉండే గదిలో నాలుగు కర్పూరం బిళ్ళలు వేసి పెట్టండి. ఆ వాసన మీకు మానసిక ప్రశాంతతను కలిగిస్తుంది. రాత్రిపూట నిద్ర పోయే ముందు మీ బెడ్ రూం లో కర్పూరం బిల్లలు ఉంచితే హాయిగా నిద్ర పడుతుంది.
కర్పూరం, సొంటి, తెల్ల చందనం సమ భాగాలలో తీసుకుని పొడి చేసుకోవాలి. తలనొప్పిగా ఉన్నప్పుడు ఇది ఎదుటి పై రాసుకుంటే వెంటనే ఉపశమనం కలిగిస్తుంది. హాయిగా నిద్ర పడుతుంది. ఆవ నూనెలో కర్పూరం వేసి శరీరానికి రాసుకుంటే కండరాల నొప్పులు తగ్గిస్తుంది. జలుబు, దగ్గు ఉంటే ఈ నూనెను ఛాతీపై రాసుకుంటే ఫలితం కనిపిస్తుంది. గోరు వెచ్చటి నీటిలో కర్పూరం వేసి ఆవిరి పడితే జలుబు ఇట్టే తగ్గిపోతుంది.
