Cold Bath: చన్నీటితో స్నానం చేయలేని రోజులివి.. అసలే చలికాలం.. ఇంకా చన్నీటితో స్నానం అంటే వణుకు పుడుతోంది.. ఒక్కసారి చన్నీటితో స్నానం చేస్తే అదేం ఉండదు అంటున్నారు ఆరోగ్య నిపుణులు.. పైగా బోలెడు ఆరోగ్య ప్రయోజనాలు ఉన్నాయట..!! ఆ ఉపయోగాలు తెలిస్తే వేడి నీళ్ల జోలికి వెళ్లరంటా..!! ఇంతకీ ఆ లాభాలు ఏంటంటే..!?
చన్నీటి స్నానం చేసి రోగ నిరోధక శక్తిని పెంపొందిస్తుంది. చలికాలంలో వచ్చే రోగం తట్టుకోవడానికి తెల్ల రక్త కణాలు అవసరం. చల్లటి నీటి స్నానం చేస్తే తెల్ల రక్త కణాల సంఖ్య వృద్ధి చెందుతాయి. అంతేకాదండోయ్ నాడీ వ్యవస్థను మెరుగు పరుస్తుంది. మెదడు ను ఉత్తేజంగా ఉంటుంది. టెన్షన్, ఒత్తిడి, డిప్రెషన్, చికాకు ఒక్కసారిగా తగ్గిపోతాయి. మనసును ప్రశాంతంగా ఉంచుతుంది. ఆ రోజంతా యాక్టివ్ గా ఉండేలా చేస్తుంది.
చర్మ సంబంధిత సమస్యలతో బాధపడుతున్న వారు ఒక్కసారి చన్నీటితో స్నానం చేయడం అలవాటు చేసుకోండి. అన్ని రకాల చర్మ సమస్యలను దూరం చేస్తాయి. స్కిన్ అలర్జీ తగ్గి చర్మం కాంతివంతంగా మెరుస్తుంది. ఇప్పుడు మనం చెప్పుకోబోయే విషయం కాస్త ఆశ్చర్యానికి గురి చేసిన వాస్తవమే.. చన్నీటితో స్నానం చేస్తే అధిక బరువు తగ్గి సన్నగా కనిపిస్తారు. దీనికి కారణం శరీరంలో ఎలక్ట్రోలైట్ ను బ్యాలెన్స్ చేస్తుంది. శరీర ఉష్ణోగ్రత పెరుగుతుంది. దీంతో తిన్న ఆహారం త్వరగా జీర్ణమవుతుంది. కొలెస్ట్రాల్ శరీరంలో నిల్వలను కరిగిస్తుంది. దాంతో బరువు తగ్గుతారు. కూల్ వాటర్ స్వేద రంధ్రాలు పరిమాణాన్ని తగ్గిస్తాయి. దీంతో చర్మం బిగుతుగా మారి నూనె విడుదల చేయకుండా ఉంటుంది. ఫలితంగా చర్మం జిడ్డు కారకుండా ఉంటుంది. రక్త ప్రసరణ వేగవంతం చేయడంతో పాటు ఊపిరి తీసుకోవడం వేగం కూడా పెరుగుతుంది.
