Corn Silk: ఈ సీజన్లో మొక్కజొన్న విరివిగా లభిస్తుంది.. మొక్కజొన్న లో మన శరీరానికి అవసరమైన పోషకాలు పుష్కలంగా లభిస్తాయి.. మొక్కజొన్నను కాల్చుకొని లేదా ఉడకబెట్టుకొని తింటాము.. మరి దాని పైన ఉండే కార్న్ సిల్క్ ను మాత్రం పడేస్తుంటారు.. ఈ కార్న్ సిల్క్ లో కూడా ప్రోటీన్స్ విటమిన్స్ మినరల్స్ సమృద్ధిగా ఉన్నాయి.. కార్న్ సిల్క్ టీ ఎలా తయారు చేసుకోవాలి..!? ఈ టీ తాగితే ఎటువంటి అనారోగ్య సమస్యలను తగ్గిస్తుందో ఇప్పుడు తెలుసుకుందాం..!!
ఒక గ్లాస్ నీటిని తీసుకుని అందులో కొద్దిగా కార్న్ సిల్క్ ను వేసి ఐదు నిమిషాల పాటు మరిగించాలి. ఇలా మరిగించిన తర్వాత రంగు మారుతుంది. ఆ తర్వాత ఈ నీటిని వడపోసుకోవాలి. ఇందులో ఒక స్పూన్ నిమ్మరసం, ఒక స్పూన్ తేనె వేసి కలపాలి. అంతే తాగటానికి కార్న్ సిల్క్ టీ రెడీ..
ఈ టీ పలు అనారోగ్య సమస్యలను తగ్గిస్తాయి..
కార్న్ సిల్క్ టీ తాగితే రక్తంలో గ్లూకోజ్ లెవల్స్ ను నియంత్రణలో ఉంచుతుంది. మధుమేహం తో బాధపడుతున్న వారు ప్రతిరోజు ఈ టీని తాగితే మెరుగైన ఫలితాలు కనిపిస్తాయి. ఊబకాయం, అధిక బరువు ఉన్నవారు వారికి ఈ టి బెస్ట్ సొల్యూషన్ గా చెబుతున్నారు డైట్ నిపుణులు. ఇందులో ఉండే ప్రోటీన్స్, యాంటీఆక్సిడెంట్స్ మూత్రపిండాల సమస్య లను నివారిస్తాయి. మూత్రంలో ఇన్ఫెక్షన్, నొప్పి, మంటను తగ్గిస్తుంది. చెడు కొలెస్ట్రాల్ ను బయటకు నెట్టివేస్తుంది. గుండె ఆరోగ్యాన్ని పదిలంగా ఉంటుంది. ఇన్ని ఆరోగ్య ప్రయోజనాలున్న ఈ టీ ని మీరు కూడా ఓసారి టేస్ట్ చేయండి.