Wall Sit: మన చిన్నప్పుడు స్కూల్కి లేటుగా వెళ్ళమని, ఏదైనా పరీక్షలో మార్కులు తక్కువగా వచ్చాయని, మిత్రుల పై చాడీలు చెప్పారని.. ఉపాధ్యాయులు మన చేత గోడకుర్చీ వేయించేవారు.. ఇది చిన్నప్పుడు మనకి పనిష్మెంట్.. మరి పెద్దయ్యాక గోడకుర్చీ వేస్తే బోలెడు లాభాలు అంటున్నారు ఆరోగ్య నిపుణులు..!! వాస్తవానికి ఇది ఒక వ్యాయామం.. దీనిని ప్రతి రోజూ ఐదు నిమిషాల పాటు చేయడం వలన అనేక ఆరోగ్య ప్రయోజనాలు చేకురతాయి..!!
గోడకుర్చీ ఆసనాన్ని ప్రతిరోజు ఐదు నిమిషాలు పాటు చేయడం వలన కండరాలు ఉత్తేజితమవుతాయి. మానసిక ఒత్తిడి, డిప్రెషన్ కు గురైన వారు గోడకుర్చీ వేయడం ద్వారా నాడీ వ్యవస్థను మెరుగుపరుస్తుంది. మెదడు లో రక్త ప్రసరణ సక్రమంగా జరిగేలా చేస్తుంది. దీంతో టెన్షన్, ఒత్తిడి తగ్గిపోయి మానసిక ప్రశాంతతను చేకూరుస్తుంది. ఏకాగ్రతను పెంచుతుంది. గుండె సంబంధిత సమస్యలు రాకుండా చేస్తుంది. గుండె ఆరోగ్యాన్ని మెరుగు పరుస్తుంది. గుండె ఆరోగ్యాన్ని పదిలంగా ఉంచుతుంది.
ఊబకాయం, అధిక బరువు తో బాధపడుతున్న వారు ప్రతి రోజు గోడకుర్చీ వేయడం వలన శరీరంలో పేరుకుపోయిన కొవ్వును కరిగేలా చేస్తుంది. గోడకుర్చీ వేయటం వలన క్యాలరీలు త్వరగా ఖర్చవుతాయి. ఫలితంగా బరువు తగ్గవచ్చు. ఫాస్ట్ ఫుడ్ ఆయిల్ ఫుడ్స్ ఎక్కువగా తీసుకున్న తర్వాత ఒక ఐదు నిమిషాలు ఈ ఆసనం వేయండి. ఫలితాలు చూసి మీరే ఆశ్చర్యపోతారు. అంతే కాకుండా నడుము నొప్పి, వెన్ను నొప్పి వారికి ఈ ఆసనం అద్భుతంగా సహాయపడుతుంది.
