బిగ్ బాస్ సీజన్ ఫోర్ లో సెలబ్రిటీ అడుగు పెట్టిన వారిలో ఒకరు రాప్ సింగర్ నోయల్. టాలీవుడ్ ఇండస్ట్రీలో అనేక సినిమాలలో నటించి పాటలు పాడి తనకంటూ గుర్తింపు తెచ్చుకున్న నోయల్.. రామ్ చరణ్ నటించిన రంగస్థలం సినిమాలో అదిరిపోయే పాత్ర చేయడం అందరి మన్ననలు అందుకోవటం తెలిసిందే. అంతేకాకుండా బిగ్ బాస్ సీజన్ త్రీ టైటిల్ విన్నర్ రాహుల్ సిప్లిగంజ్ కి క్లోజ్ ఫ్రెండ్ కావటంతో సీజన్ ఫోర్ లో నోయల్ అడుగుపెట్టిన క్రమంలో.. ఖచ్చితంగా టైటిల్ గెలిచే అవకాశం ఉందని అప్పట్లో అనుకున్నారు. కానీ ఆయన అనారోగ్య రీత్యా హౌస్ నుండి నోయల్ తనకు తాను ఎలిమినేట్ అవ్వటం అందరికీ తెలిసిందే.
ఇదిలా ఉండగా నోయల్ 2019 వ సంవత్సరం లో ఎస్తేర్ అనే అమ్మాయిని ప్రేమించి పెళ్లి చేసుకోవడం తెలిసిందే. అయితే వివాహం జరిగిన ఏడాదిలోనే ఇద్దరు విడాకులు తీసుకోవడం అప్పట్లో సంచలనం సృష్టించింది. ఇదిలా ఉండగా ఎస్తేర్ అనే ఈ సింగర్ అనేక సినిమాలలో కూడా నటించడం జరిగింది. ప్రస్తుతం షకీలా బయోపిక్ సినిమాలో లీడ్ రోల్ చేస్తోంది. ఇలాంటి తరుణంలో ఇటీవల ఓ ప్రముఖ టీవీ న్యూస్ ఛానల్ కి ఇచ్చిన ఇంటర్వ్యూలో నోయల్ తో విడాకులు ఎందుకు తీసుకోవాల్సి వచ్చిందో స్పష్టం చేసింది.
ఆమె ఏమంది అంటే నోయల్ ని ప్రేమించి పెళ్లి చేసుకోవడం అంతా కరెక్టే, అతను అంటే ఇప్పటికీ నాకు చాలా గౌరవం ఉంది అభిమానం ఉంది. కానీ నాకు ఉన్న గోల్స్ మరియు అతనికి ఉన్న గోల్స్ పూర్తిగా భిన్నమైనవి, ఇవి మా పర్సనల్ లైఫ్ పై ప్రభావం చూపుతూ విభేదాలు దారి తీసింది, అందుకే నేను నోయల్ విడిపోవాల్సి వచ్చింది ‘ అంటూ ఎస్తేర్ చెప్పుకొచ్చింది. ఈ క్రమంలో తాను నటిస్తున్న షకీలా సినిమా బయోపిక్ సౌత్ ఇండస్ట్రీ లో అనేక భాషలలో విడుదల కాబోతున్న ట్లు చెప్పుకొచ్చింది. సినిమాలో తన పాత్రకి మంచి స్కోప్ ఉండటంతో నటించినట్లు ఎస్తేర్ పేర్కొంది.