Leg Cramps: కాలి పిక్కలు పట్టేసి విపరీతమైన నొప్పి వస్తుంది.. కొంతమందికి నిద్రలో కాలి పిక్కలు పట్టేసి నిద్రకు భంగం కలిగిస్తుంది.. కాలి పిక్కలు పట్టెయడానికి కారణాలు అనేకం.. అయితే ఈ సమస్య వచ్చినప్పుడు ఈ చిట్కాలు పాటిస్తే వెంటనే ఉపశమనం కలుగుతుంది..!! అవేంటో ఇప్పుడు చూద్దాం..!!
Leg Cramps: కాలి పిక్కలు పట్టేసిన వెంటనే ఇలా చేయండి..!!
తొడ కండరాలు పట్టేసినప్పుడు ఆ ప్రాంతంలో ఐస్ గడ్డలు తీసుకుని ఒక క్లాత్ లో వేసి నొప్పి ఉన్న చోట పెట్టాలి. నొప్పి తగ్గేంత వరకు ఇలా చేస్తూ ఉండాలి. ఇలా చేయటం వలన త్వరగా నొప్పి తగ్గుతుంది. జండూ బామ్ నొప్పి ఉన్నచోట రాసి ఒక 5 నిమిషాల తరువాత ఐస్ క్యూబ్స్ తో మర్దనా చేయాలి. ఇలా చేస్తే తక్షణమే ఉపశమనం లభిస్తుంది.
డిహైడ్రేషన్ వలన కూడా కాలి పిక్కలు పట్టెస్తు ఉంటాయి. అందుకని ఈ సమస్య వచ్చినప్పుడు ఎక్కువగా నీటిని తాగుతూ ఉండాలి. కొబ్బరి బొండం నీళ్ళు కూడా తాగుతూ ఉండాలి. పొటాషియం లోపం వలన కూడా ఈ సమస్య వస్తుంది. పొటాషియం ఎక్కువగా ఉండే ఆహారాన్ని తీసుకోవాలి. కోడి గుడ్లు, పాలు, పెరుగు, చిలకడ దుంపలు, నట్స్, విత్తనాలు, అరటి పండ్లు, యాప్రికాట్స్, కివీ, నారింజ, బీట్ రూట్, తృణ ధాన్యాలు, కర్భూజ, క్యారట్, చేపలు, టమాటాలు లో పొటాషియం సమృద్ధిగా లభిస్తుంది. ఈ ఆహార పదార్థాలను తరచూ తీసుకుంటూ ఉండాలి.
మన ఇంట్లో పెద్దలు చెబుతుంటారు కాలి పిక్కలు పట్టేసినప్పుడు కొద్దిగా కొబ్బరి నూనె రాయమని, కొబ్బరి నూనె రాసి కాసేపు మర్దన చేయాలి. నొప్పి ఉన్నచోట ఇలా చేస్తూ ఉండాలి. కొబ్బరి నూనె లో 4 లవంగాలు వేసి వేడి చేయాలి. గోరు వెచ్చగా ఉన్న ఈ నూనె రాసి మర్దన చేస్తే తక్షణ ఉపశమనం కలిగిస్తుంది.