Induvadana: వరుణ్ సందేశ్, ఫర్నాజ్ శెట్టి జంటగా నటిస్తున్న చిత్రం ఇందువదన..!! ఈ చిత్రంలో వరుణ్ సందేశ్ వాసుగా, ఫర్నాజ్ శెట్టి ఇందుగా నటిస్తున్నారు.. ఇప్పటికే ఈ చిత్రం నుండి విడుదలైన ఫస్ట్ లుక్, కాన్సెప్ట్ పోస్టర్, ఇందు – వాసులను పరిచయం చేస్తున్న పోస్టర్స్ విడుదల చేయగా విశేషంగా ఆకట్టుకున్నాయి.. ముఖ్యంగా గిరిజన యువతి గా కనిపించనున్న ఇందు బోల్డ్ లుక్ నెట్టింట్లో వైరల్ అయింది.. తాజాగా ఈ చిత్రం నుంచి “వడి వడిగా” మొదటి మెలోడీ సాంగ్ రిలీజ్ చేశారు మేకర్స్..!!
వడివడిగా పాట లిరిక్స్ ను తిరుపతి జావన రాయగా జావిద్ ఆలీ, మాళవిక ఆలపించారు.. శివ కాకాని అందించిన సంగీతం ఈ పాటకు హైలెట్ గా నిలిచింది. ఎమ్ఎస్ఆర్ దర్శకత్వంలో మహేష్ ఆదుర్తి ఈ చిత్రాన్ని నిర్మిస్తున్నారు. ఈ సినిమాకు కథ , స్క్రీన్ ప్లే, మాటలు సతీష్ ఆకెటి అందిస్తున్నారు. ఈ చిత్రంలో ధనరాజ్, మహేష్ విట్టా, తాగుబోతు రమేష్, సురేఖ వాణి, పార్వతీశం తదితరులు నటిస్తున్నారు. ఇప్పటికే ఈ సినిమా నుంచి విడుదలైన ప్రతి పోస్టర్ కు ప్రేక్షకుల నుంచి పాజిటివ్ రెస్పాన్స్ లభించింది.. తాజాగా విడుదలైన వడి వడిగా పాటకు కూడా సినిమాపై పాజిటివ్ బజ్ ను క్రియేట్ చేసింది.. దీంతో తో ఇందువదన పై మంచి అంచనాలే ఏర్పడ్డాయి.. ఈ సినిమాతో వరుణ్ సందేశ్ హిట్ కొట్టేలా ఉన్నారు. ఈ చిత్రానికి సంబంధించిన మరిన్ని అప్డేట్లను త్వరలోనే ప్రకటించనున్నారు మేకర్స్.