Hyper Aadhi: జబర్దస్త్ కామెడీ షో స్టార్ కమెడియన్ హైపర్ ఆది ఇటీవల వేసిన ఓ స్కిట్ తెలంగాణ ప్రాంత ప్రజల మనోభావాలను దెబ్బ తీసినట్లు ఆ ప్రాంతానికి చెందిన వాళ్లు హైపర్ ఆది పై పోలీస్ కంప్లైంట్ చేయడం జరిగింది. దీంతో ఈ వార్త సోషల్ మీడియాలో ఎలక్ట్రానిక్ మీడియాలో పెద్ద హాట్ టాపిక్ అయింది. గతంలోనూ వికలాంగులపై హైపర్ ఆది నోరు జారటం తర్వాత తాజాగా గౌరమ్మ బతుకమ్మ అనగా తెలంగాణ ప్రాంత ప్రజలు ఎంతో సాంప్రదాయబద్ధంగా జరుపుకునే పండుగల పై హైపర్ ఆది అండ్ టీం ఇటీవల జరిగిన స్కిట్ లో సెటైర్లు వేయడం తో.. తెలంగాణ ప్రాంతానికి చెందిన వాళ్లు మండిపడ్డారు.
ఇష్టానుసారంగా ఇట్లు చేష్టలు ఒక ప్రాంతానికి చెందిన సంప్రదాయాలనూ గౌరవించకుండా జబర్దస్త్ కమెడియన్లు వ్యవహరిస్తున్నారని.. హైపర్ ఆది వేసిన స్కిట్ పై తీవ్ర స్థాయిలో విమర్శలు చేశారు. ఇటువంటి తరుణంలో తాజాగా హైపర్ ఆది తనపై వస్తున్న విమర్శలకు చేస్తున్నవారికి సారీ చెప్పారు. జబర్దస్త్ షో లో పనిచేసే కమెడియన్ లకు తెలంగాణ ఆంధ్ర ప్రాంతం అనే భేదం ఉండదని తెలిపారు. రెండు ప్రాంతాలకు చెందిన ప్రజలు ఆదరించడం వల్లే ఈ స్థాయి కి చేరుకోవటం జరిగిందని చెప్పుకొచ్చాడు.
Read More: Jabardasth comedians : వామ్మో.. జబర్దస్త్ కమెడియన్స్ రెమ్యూనరేషన్ తెలిస్తే షాక్ అవ్వాల్సిందే..!
కావాలని తెలంగాణ ప్రాంత ప్రజల మనోభావాలు దెబ్బతీసే రీతిలో స్కిట్ వెయ్యలేదని క్లారిటీ ఇచ్చాడు. ఒకవేళ ఆ విధంగా భావిస్తే తనని క్షమించాలని హైపర్ ఆది కోరాడు. తన తరఫున మాత్రమే కాక తన టీం తరఫున మొత్తం గా క్షమాపణలు చెబుతున్నట్లు తెలియజేశారు. జబర్దస్త్ లో అందరూ కలిసి మెలిసి ఉంటారని ఆ ప్రాంతం ఈ ప్రాంతం అనే భేదం ఉండదని ఒక రాష్ట్రంలో మరొకరు పాలుపంచుకుంటామని హైపర్ ఆది వివరణ ఇచ్చాడు.
