Jr.NTR – Koratala Siva: జూనియర్ ఎన్టీఆర్ కెరియర్ లో 30 వ సినిమా కొరటాల శివ దర్శకత్వంలో రానున్న సంగతి అందరికీ తెలిసిందే.. తారక్, కొరటాల శివ కాంబినేషన్లో వచ్చిన జనతా గ్యారేజ్ ఎంత పెద్ద హిట్ సాధించిందో ప్రత్యేకంగా చెప్పనవసరం లేదు..
జూనియర్ ఎన్టీఆర్ అభిమానులు ఎంతగానో ఎదురు చూస్తున్న ఈ సినిమా నుంచి ఇంట్రెస్ట్ అప్డేట్ ఫిల్మ్ నగర్లో చక్కర్లు కొడుతోంది.. వీరిద్దరి కాంబినేషన్ లో రాబోతున్న సినిమా లైన్ ఇదేనంటూ ఓ న్యూస్ లైమ్ లైన్ లోకి వచ్చింది.. ఓ చిన్న గ్రామం నుంచి నగరానికి వచ్చిన వ్యక్తిగా జూనియర్ ఎన్టీఆర్ కనిపిస్తాడట.. పరిస్థితుల ప్రభావంతో ఎన్టీఆర్ ఎలా మారడనే నేపథ్యంలో ఈ సినిమా సాగనుందని చర్చ నడుస్తోంది..
హీరో బాడీ లాంగ్వేజ్ తగ్గట్టుగా క్యారెక్టరైజేషన్ ను డిసైడ్ చేసే కొరటాల శివ ఈ ప్రాజెక్టులో ఎన్టీఆర్ ను ఎలా చూపిస్తాడోనని ఆతృతగా ఎదురు చూస్తున్నారు అభిమానులు.. ఈ సినిమాలో ఎన్టీఆర్ కు జోడీగా బాలీవుడ్ హీరోయిన్ కైరా అద్వానీ నీ ఎంపిక చేసేందుకు కొరటాల ప్లాన్ చేస్తున్నాడని సమాచారం. పాన్ ఇండియా బ్యాక్డ్రాప్లో రానున్న ఈ సినిమా షూటింగ్ జూన్ 2021 నుంచి ప్రారంభించనున్నారు.. పాన్ ఇండియా లెవెల్ లో తెరకెక్కనున్న ఈ చిత్రాన్ని 29 ఏప్రిల్ 2022 న ప్రేక్షకుల ముందుకు తీసుకురానున్నట్లు ప్రకటించారు..