RGV : రామ్ గోపాల్ వర్మ భారతదేశం గర్వించదగ్గ దర్శకుడిగా పేరు పొంది… క్రమంగా కనీసం సినిమా థియేటర్లలో కూడా తన సినిమాలు రిలీజ్ చేసుకోలేని పరిస్థితికి దిగజారిపోయాడు. వివాదాలతో సదా సావాసం చేసే వర్మకు ట్విటర్లో ఎవరో ఒకరిని గిచ్చడం అలవాటు. ఎవరిపైన అయినా ఎంతో అవలీలగా తన ఇష్టం వచ్చినట్లు కామెంట్లు వేస్తుంటారు. కాలం గడిచే కొద్దీ అతను ఏ కామెంట్ చేసినా ఎవరూ పట్టించుకోవట్లేదు.
ఇక బాలీవుడ్ నటి కంగనా రనౌత్ తనని ఎవరు చిన్న మాట అనా అసలు సహించే రకం కాదు. ఎవరైనా ఆమెతో జాగ్రత్తగా ఉండాల్సిందే. ప్రతి విమర్శకి తగ్గ కౌంటర్ వేస్తుంటుంది. ఈమెకు కూడా వివాదాలు కొత్త కాదు. కెరీర్ మొదటి నుండి వివాదాల్లో మునిగితేలే నటి కంగనా. ఇక ఇటువంటి రెండు విపరీత పర్సనాలిటీస్ మధ్య చిచ్చు రేగితే ఎలా ఉంటుంది అనే ఆలోచనే విడ్డూరంగా ఉంది కదూ…! ఆ ఊహ నిజం కావడం కాస్తలో తప్పింది.
కంగనా రనౌత్ నటించిన ‘తలైవి‘ మూవీ ట్రైలర్ చూసి రాంగోపాల్ వర్మ ట్వీట్ చేశారు. సాధారణంగా ప్రముఖులు వర్మ ట్వీట్ లను పట్టించుకోరు. అయితే ఇక్కడ ఉన్నది కంగనా. అతని ట్వీట్ కి తనదైన శైలిలో బదులిస్తూ కౌంటర్ చేసింది. వర్మ ‘తలైవి‘ గురించి, “మైండ్ బ్లోయింగ్. స్వర్గంనుండి జయలలిత ఈ ట్రైలర్ చూసి విపరీతంగా థ్రిల్ అయి ఉంటారని రామ్ గోపాల్ వర్మ కామెంట్ చేశాడు. అలాగే కంగనా సూపర్ డూపర్ స్పెషల్ గా ఉంది” అని చెప్పాడు. మరి దీనికి కౌంటర్ వేయాల్సిన అవసరం ఏం ఉంది అని అనుకుంటున్నారా?
కొద్దిగా ఆగండి…! అంతవరకు బాగా ట్వీట్ చేసిన వర్మ తర్వాత కంగనా గురించి ఆమె కొన్ని అంశాల్లో పరిమితికి మించి వెళ్ళిపోతుందని… ఈ విషయంలో మాత్రం ఆమెతో ఏకీభవించని సంచలన వ్యాఖ్యలు చేశాడు. ఇంకేముంది వర్మకు తగిన సమాధానం ఇచ్చింది కంగన. తాను వర్మతో ఏ విషయంలోనూ ఏకీభవించకపోవడం ఉండదని… చాలా తెలివిగా సమాధానం చెబుతూనే… తనకు రాంగోపాల్ వర్మ అంటే ఇష్టమని… చాలా విషయాల్లో అతని అభినందిస్తుంటానని పేర్కొంది.
ఇగోల రాజ్యమైన ప్రపంచంలో వర్మ ఏమీ పట్టించుకోకుండా…. ఏ విషయాన్ని సీరియస్ గా తీసుకోకుండా ఉంటాడు కాబట్టి తను కూడా ఈ మాటలను సీరియస్ గా తీసుకోబోనని పేర్కొంది. అయితే కాంప్లిమెంట్ లకు మాత్రం కృతజ్ఞతలు తెలియజేసింది. ఇక వర్మ అసలు ఏమన్నా పట్టించుకోరు కాబట్టి అటువంటి మనిషి వ్యాఖ్యలను సీరియస్ గా తీసుకుంటే తన స్థాయి తగ్గిపోతుందని ఆయన పరోక్షంగా కౌంటర్ వేయడం గురించి ఇప్పుడు భారీ చర్చ జరుగుతోంది. అయితే వర్మకు ఇవి చురుక్కున తగిలితే మాటల యుద్ధానికి దిగవచ్చు. కంగనా అసలు తగ్గే రకం కాదు. మరి ఇలాంటి పరిస్థితి వస్తే ట్విట్టర్ షేక్ అవ్వడం ఖాయం.