Bigg Boss Telugu OTT: తెలుగు బిగ్ బాస్ సీజన్ 2 విన్నర్ కౌశల్ అందరికీ తెలుసు. సెకండ్ సీజన్ లో… తనదైన శైలిలో కౌశల్ గేమ్ ఆడాడు. ఒకపక్క ఫిజికల్ టాస్క్ ఆడుతూనే మరోపక్క మైండ్ గేమ్ లో… ప్రత్యర్థుల ప్లాన్స్ చిత్తు చేయడం జరిగింది. ఈ క్రమంలో ఆ తర్వాత బిగ్ బాస్ సీజన్ లకి సంబంధించి విశ్లేషణలు చేస్తూ కౌశల్ ముందుగానే టైటిల్ ఎవరు నెగ్గుతారో.. అనేక మార్లు విశ్లేషించడం తెలిసిందే. అయితే ప్రస్తుతం తెలుగు ఓటిటి బిగ్ బాస్ షోలో… బిందు మాధవి 90% టైటిల్ గెలిచే అవకాశం ఉందని విశ్లేషించాడు. ఆమె ఆడుతున్న ఆట తీరు… ఇతర ఇంటి సభ్యుల పట్ల ఆమె వ్యవహరిస్తున్న తీరు బట్టి బిందుమాధవి ఖచ్చితంగా టైటిల్ గెలవడం పక్క అని కౌశల్ విశ్లేషించాడు.
స్టార్టింగ్ నుండి ఇప్పటివరకూ తన విశ్లేషణ అంచనా ఇప్పటికీ రాంగ్ కాలేదని తెలియజేస్తూ ఇంస్టాగ్రామ్ లో కీలక కామెంట్లు చేయడం జరిగింది. ఇదిలా ఉంటే ఓటిటి బిగ్ బాస్ షో స్టార్ట్ అయి రెండు వారాలు గడిచింది. ఈ రోజు సండే కావటంతో హౌస్ నుండి రెండో క్యాండెట్ ఎలిమినేట్ అయ్యే పరిస్థితి కనబడుతోంది. అయితే తాజా ఓటింగ్ బట్టి చూస్తే హౌస్ నుండి శ్రీ రాపాక ఎలిమినేట్ అవటం గ్యారెంటీ అని బయట టాక్.
రెండవ వారం ఎలిమినేషన్ నామినేషన్ సంబంధించి దాదాపు 11 మంది నామినేట్ అయ్యారు. సరియు, అఖిల్, హామీద, అనిల్, మిత్రా, అరియనా, శివ, నటరాజ్, ఆశు రెడ్డి, శ్రీ రాపాక, మహేష్ వీట్ట. దాదాపు సగం మంది పాత వాళ్ళు రెండో వారం ఎలిమినేషన్ కి నామినేట్ అయ్యారు. అయితే ఇప్పుడు ఓటింగ్ పరంగా చూసుకుంటే…శ్రీ రాపాక ఇంటి నుండి ఎలిమినేట్ అవ్వడానికి రెడీగా ఉన్నట్లు టాక్. ఓటింగ్ పరంగా చివరిలో మిత్రశర్మ తో పోటీపడి… చివరి స్థానంలో ఉన్నట్లు దీంతో ఆమె ఎలిమినేట్ అవటం గ్యారెంటీ అని అంటున్నారు.