Sammathame: రాజావారు రాణి గారు సినిమాతో ఇండస్ట్రీకి పరిచయం అయ్యాడు కిరణ్ అబ్బవరం.. ఎటువంటి బ్యాక్ గ్రౌండ్ లేనప్పటికీ మొదటి సినిమాతోనే హిట్ అందుకున్నాడు.. దీంతో వరుస సినిమా ఆఫర్లను అందుకున్నాడు.. జూలై 15న కిరణ్ అబ్బవరం పుట్టినరోజు.. ఈ సందర్భంగా కిరణ్ అబ్బవరం – చాందినీ చౌదరి జంటగా నటిస్తున్న “సమ్మతమే” సినిమా ఫస్ట్ లుక్ విడుదల చేశారు మేకర్స్..!!
తాజాగా విడుదలైన పోస్టర్ చూస్తుంటే గ్రామీణ నేపథ్యంలో సాగుతున్న ప్రేమకథ లా ఉంది. గ్రామంలోని ఇంటి ముందు కూర్చుని అద్దంలో తనని తాను చూసుకుంటూ నవ్వుతున్న యువకుడిగా కిరణ్ అబ్బవరం ఆ పక్కనే నిల్చుని కిరణ్ ని చూస్తూన్న చాందిని చౌదరి పోస్టర్ అందర్నీ విశేషంగా ఆకట్టుకుంటుంది.. గోపీనాథ్ రెడ్డి దర్శకత్వంలో రూపొందుతున్న ఈ చిత్రాన్ని యుజి ప్రొడక్షన్ బ్యానర్ పై ప్రవీణ నిర్మిస్తున్నారు. ఈ సినిమాకు శేఖర్ చంద్ర సంగీతం సమకూరుస్తున్నారు. సతీష్ రెడ్డి సినిమాటోగ్రాఫర్ గా, విల్పాన్ నిషాదం ఎడిటర్ గా వ్యవహరిస్తున్నారు.. ఈ పోస్టర్ తో ఈ సినిమాపై పాజిటివ్ బజ్ క్రియేట్ అయింది. అలాగే కిరణ్ అబ్బవరం బర్త్డే స్పెషల్ సందర్భంగా కోడి రామకృష్ణ తనయ దర్శకత్వంలో తన 5వ సినిమాను చేయనున్నట్లు అధికారికంగా ప్రకటించారు. కిరణ్ పుట్టినరోజు సందర్భంగా బుధవారం విడుదల చేసిన ఎస్ ఆర్ కళ్యాణమండపం టీజర్ విశేషంగా ఆకట్టుకుంది..