Ukraine Russia War: రష్యా బలగాల భీకర దాడులకు ఉక్రెయిన్ దద్దరిల్లి పోయిన సంగతి తెలిసిందే. ఉక్రెయిన్ దేశంలో నగరాలపై రష్యా బలగాలు బాంబుల వర్షం కురిపించడంతో.. సామాన్య ప్రజలు నరకం చూశారు. ఎక్కడికక్కడ ప్రభుత్వ భవనాలు కూలిపోవడంతో పాటు పెద్ద పెద్ద బాంబులతో… జనావాసాలు ఉండే నివాసాలపై కూడా దాడులకు పాల్పడటం తో… చాలామంది దేశం విడిచి సరిహద్దుల గుండా వేరే ప్రాంతాలకు తరలి పోయిన పరిస్థితి మొన్నటిదాకా కనబడింది.
ఈ తరుణంలో ఉక్రెయిన్ ఆర్థిక పరిస్థితి చిన్నాభిన్నం కావడంతో ఇప్పటికే ప్రపంచ బ్యాంకు సాయం అందించడానికి ముందుకు రాగా తాజాగా టైటానిక్ హీరో హాలీవుడ్ హీరో లియొనార్డో డికాప్రియో సాయం చేయడానికి ముందుకు వచ్చారు. ప్రపంచంలో అనేక సమస్యలకు సంబంధించి స్పందిస్తూ అనేక సహాయాలు చేస్తూ రియల్ హీరో గా లియొనార్డో కి ప్రపంచవ్యాప్తంగా మంచి క్రేజ్ ఉంది. ప్రకృతి వైపరీత్యాల వలన ప్రజలు ఇబ్బంది పడిన ప్రతిసారి నేను ఉన్నాను అంటూ తన వంతుగా హెల్ప్ చేయడానికి ముందుకు ఎప్పుడూ వస్తూనే ఉంటాడు.
ఇదే సమయంలో ఈ సారి రష్యా దాడులకు అతలాకుతలమైన ఉక్రెయిన్ దేశం కి అండగా నిలబడి తన వంతుగా 77కోట్ల రూపాయలు… విరాళంగా ప్రకటించాడు. లియొనార్డ్ కి ఉక్రెయిన్ కి అవినాభావ సంబంధం ఉందనే చెప్పాలి. లియనార్డో అమ్మమ్మ హెలెన్ ఇండెన్బిర్కెన్ ఉక్రెయిన్లోని ఒడెస్సాలో జన్మించింది. ఆ తర్వాత కుటుంబంతో కలిసి జర్మనీ వచ్చి స్థిరపడిన గాని ఉక్రెయిన్ తో సంబంధాలు మాత్రం కొనసాగుతూనే వచ్చాయి. ఈ కారణంగా కూడా లియనార్డో ఉక్రెయిన్ కి అండగా నిలిచాడు. వింత ప్రపంచ వ్యాప్తంగా ఈ వార్త తెలుసుకుని అసలు సిసలైన హీరో అంటూ టైటానిక్ హీరో ని పొగడ్తలతో ముంచెత్తుతున్నారు.