ఎల్ఐసీ.. ఇది భయం కాదు బాధ్యత.. మనందరి భద్రత. చాలా మందికి ఎల్ఐసీ అనేగానే అదో లాంగ్ టర్మ్ పాలసీ అనీ.. చాలా కాలానికి డబ్బులు తిరిగి వస్తాయని అనుకుంటారు. కానీ ఎల్ఐసీ సంస్థలు చాలా మార్పులు తీసుకొచ్చి పాలసీ తీసుకున్న నెల తర్వాత నుంచి మన చేతికి డబ్బును అందించే విధమైన చాలా రకాల పాలసీలను తీసుకొచ్చాయి.
ప్రభుత్వ రంగ సంస్థ అయిన లైఫ్ ఇన్సూరెన్స్ కార్పొరేషన్ ఆఫ్ ఇండియా వివిధ రకాలైన అందరికీ అందుబాటులో ఉండే విధమైన పాలసీలు తీసుకురావడంలో ప్రత్యేకంగా ఉంటుంది. మరీ ముఖ్యంగా ఉద్యోగ విరమణ అనంతరం ఫించను పొందాలనుకునే వారితో పాటు 30 ఏళ్లకే పాలసీలతో ప్రతీ నెల వేలల్లో మనీ పొందాలనుకునే వారి కోసం ఎల్ఐసీ ఒక మంచి పాలసీని తీసుకొచ్చింది.
అదే జీవన్ అక్షయ పాలసీ. ఈ పాలసీ తీసుకోవడం ద్వారా చాలా ప్రయోజనాలే ఉన్నాయి. 30 ఏళ్లకు పైబడిన వారి నుంచి అందరూ ఈ పాలసీ తీసుకోవచ్చు. ఈ పాలసీ తీసుకోవడంతో నెల నెలా పెన్షన్ లభిస్తుంది. ప్రీమీయం కట్టిన వెంటనే కూడా పెన్షన్ పొందవచ్చు. ఇది సింగిల్ ప్రీమీయం పాలసీ. ఈ పాలసీ తీసుకున్న వారికి లోన్ సదుపాయం కూడా అందుబాటులో ఉంది.
ఈ పాలసీ తీసుకోవడం ద్వారా నెలకు రూ.19000 పెన్షన్ లభిస్తుంది. పాలసీ తీసుకున్న మూడు నెలల తర్వాత మీరు లోన్ తీసుకోవడానికి కూడా అర్హత లభిస్తుంది. పెన్షన్ మీకు అనుగుణంగా తీసుకోవచ్చు. అంటే నెలకు, రెండు నెలలకు, లేదా మూడు నెలలకు ఒకసారి తీసుకోవచ్చు. ఈ పాలసీ కోనుగోలు ధర లక్ష రూపాయల నుంచి అపై ఎంతవరకైనా ఉంటుంది. ఈ పాలసీ కేవలం బతికున్నంత కాలం పెన్షన్ అందించాడానికి మాత్రమే. మరణ అనంతరం పాలసీ డబ్బులు తిరిగి రావు. ఈ విషయాన్ని గుర్తించుకోండి.