Mint: ఔషధాల సంజీవని గా పుదీనా ను పిలుస్తారు.. ఇందులో కొవ్వు పదార్థాలు, కెలోరీలు తక్కువగా ఉంటాయి.. విటమిన్ ఏ, బి, సి, డి ఇందులో పుష్కలంగా ఉన్నాయి.. ఇది చర్మానికి మేలు చేస్తుంది. ఇందులో ఐరన్, పొటాషియం, మాంగనీస్ ఉండడం వలన రక్తంలో హిమోగ్లోబిన్ పెరగడం లో సహాయపడుతుంది. ప్రతిరోజు దీనిని తినడం ద్వారా మెదడు పనితీరు పెరగటంతో పాటు జ్ఞాపకశక్తి కూడా వృద్ధి చెందుతుంది.. పుదీనా తో ఎటువంటి ఆరోగ్య సమస్యలకు చెక్ పెట్టవచ్చో ఇప్పుడు తెలుసుకుందాం..!!
బరువు: బరువు తగ్గించడంలో పుదీనా సహాయపడుతుంది. దీనిలో ఉండే యాంటీ ఆక్సిడెంట్స్ ఆహారం త్వరగా జీర్ణం అయ్యేలా చేసి జీర్ణక్రియను మెరుగు పరుస్తాయి. జీర్ణక్రియను మెరుగు పరచడం వలన సహజ సిద్ధంగా బరువు తగ్గుతారని పలు ఆరోగ్య పరిశోధనలలో తేలింది.
తలనొప్పి :
పుదీనాలో ఉండే మెంథాల్ తలనొప్పిని తగ్గించడంలో సహాయ పడుతుంది. తలనొప్పి బాధిస్తున్నప్పుడు నుదిటిపై పుదీనారసం తో మసాజ్ చేస్తే చక్కటి ఫలితం పొందవచ్చు.
మొటిమలు : పుదీనా నూనె ను మొటిమల పైన అప్లై చేస్తే అవి త్వరగా తగ్గిపోతాయి.
స్ట్రెస్:
పుదీనా సువాసన వల్ల ఒత్తిడి దూరమవుతుందని ఇటీవల నిర్వహించిన కొన్ని పరిశోధనలలో రుజువైంది. అరోమా థెరపీ లో కూడా దీనిని వాడతారు. మెదడులో కర్టిసాల్ స్థాయిని నియంత్రించి విశ్రాంతిని ఇవ్వడంలో సహకరిస్తుంది..
దంత సమస్యలు: పుదీనాతో చేసిన మెంథాల్ దంత వ్యాధులపై మంచి ప్రభావం చూపిస్తుంది ప్రతిరోజు నమలడం ద్వారా దంత సమస్యల నుండి బయటపడవచ్చు. పిప్పి పన్ను నొప్పి తో బాధపడేవారు పిప్పర్మెంట్ నూనె లో లవంగ నూనె కలిపిన మిశ్రమంలో ముంచి పళ్లపై పెడితే నొప్పి నుంచి వెంటనే ఉపశమనం కలుగుతుంది.
ఆస్తమా :
పుదీనాని క్రమం తప్పకుండా తీసుకోవడం వల్ల ఆస్తమాకు చెక్ పెట్టవచ్చునని ఆరోగ్య నిపుణులు చెబుతున్నారు. అయితే వీటిని మితంగా తీసుకోవాలని సూచిస్తున్నారు.