Mohan Babu Nagababu: మంచు మోహన్ బాబు కార్యాలయంలో పనిచేసే హెయిర్ డ్రెస్సర్ నాగ శ్రీను.. ఇటీవల చేసిన వ్యాఖ్యలు పెను దుమారం రేపుతున్న సంగతి తెలిసిందే. తనని కులం పేరుతో.. మోహన్ బాబు తక్కువగా చేస్తూ దూషించారని.. నాగ శ్రీను చేసిన వ్యాఖ్యలతో.. మోహన్ బాబు ఫ్యామిలీకి వ్యతిరేకంగా నాయి బ్రాహ్మణులు ఆందోళనలు చేస్తూ ఉన్నారు. అంతేకాకుండా క్షమాపణలు తెలియజేయాలని కూడా డిమాండ్ చేస్తున్నారు. మోహన్ బాబు తనని ఆఫీస్ లో అందరిముందు మోకాళ్లపై నిలబెట్టారు. అనేక చిత్రహింసలకు గురి చేశారు. కులం పేరుతో దారుణంగా దూషించారు అని అంటూ నాగశ్రీను ఆరోపణలు చేయడం .. ఇప్పుడు చినికి చినికి గాలివానలా మారిపోయింది. ఇక ఇదే సమయంలో మెగా బ్రదర్ నాగబాబు.. నాగ శ్రీను 50 వేల రూపాయలు ఆర్థిక సహాయం అందించటం సంచలనంగా మారింది.
ఇదిలా ఉంటే తాజాగా బీసీ సంఘం నేత ఆర్. కృష్ణయ్య ఈ వివాదంపై స్పందించారు. కులం పేరుతో దూషించడని ఖండించారు. పరిస్థితి ఇలా ఉంటే తాజాగా మోహన్ బాబు అభిమానులు మొత్తం వివాదానికి సంబంధించి తీవ్ర స్థాయిలో రియాక్ట్ అయ్యారు. వ్యక్తిగత దూషణలు… కులానికి ఆపాదిస్తే సహించేది లేదన్నారు. మా అభిమాన నటుడు మోహన్ బాబు… కులాలను చూసే వ్యక్తి కాదని అందరినీ అక్కున చేర్చుకునే.. మనస్తత్వం ఉన్న మనిషి అని అన్నారు. వ్యక్తిగత దూషణలను కులానికి ఆపాదిస్తే ఊరుకునే ప్రసక్తి లేదని స్పష్టం చేశారు.
అంతమాత్రమే కాకుండా నాగబాబు తీరును కూడా తప్పు పట్టారు. మా అభిమాన నటుడిపై ఇష్టానుసారం అయిన ఆరోపణలు చేసిన వ్యక్తికి.. సాయం చేయడంలో ఉద్దేశం ఏమిటి అని ప్రశ్నించారు. ఆర్ కృష్ణయ్య అదేవిధంగా నాగబాబు ఇష్టానుసారంగా మోహన్ బాబు కుటుంబంపై ఆరోపణలు చేస్తే చూస్తూ ఊరుకోమని వార్నింగ్ ఇచ్చారు. మొత్తం మీద హెయిర్ డ్రెస్సర్ నాగ శ్రీను వివాదం .. విషయంలో బీసీ సంఘం నేత ఆర్.కృష్ణయ్య రంగంలోకి దిగడంతో.. మరింత ముదిరే అవకాశం ఉన్నట్లు వార్తలు వస్తున్నాయి.