బిగ్ బాస్ హౌస్ లో కంటెస్టెంట్ గా అడుగుపెట్టిన మోనాల్ బయటకొచ్చాక మంచి క్రేజ్ దక్కించుకుంది. అంతకుముందు 2012వ సంవత్సరంలో Monal Gajjar అల్లరినరేష్ సినిమాలో హీరోయిన్ గా తెలుగు ప్రేక్షకులను పలకరించిన గాని పెద్దగా గుర్తింపు దక్కలేదు. కానీ ఎప్పుడైతే బిగ్ బాస్ సీజన్ ఫోర్ లో ఈ గుజరాతీ ముద్దుగుమ్మ అడుగు పెట్టడం జరిగిందో ఒక్కసారిగా తలరాత మారిపోయింది.
హౌస్ లో సీజన్ ఫోర్ లో గ్లామర్ చూపించడంలో సీజన్ కి హాట్ కంటెస్టెంట్ గా నిలిచిన మోనాల్.. సరిగ్గా టాప్ ఫైవ్ లోకి వెళ్లే ముందు ఇంటి నుండి ఎలిమినేట్ అయింది. హౌస్ లో ఉన్నంత కాలం అఖిల్ కి ఎంతో క్లోజ్ గా ఉండటం మాత్రమే కాక మొదటిలో అభిజిత్, అఖిల్ తో క్లోజ్ గా ఉంటూ ట్రయాంగిల్ లవ్ స్టోరీ అన్న తరహాలో .. ప్రేక్షకులను ఎంటర్టైన్ చేసింది. అంతే కాకుండా మొదటి లో ప్రతి చిన్నదానికి ఏడవటంతో పాటు అలిగి ఉండటంతో కొద్దిగా బోర్ అనిపించినా గాని.. ఆట చివరిలో వచ్చేసరికి మోనాల్ హౌస్ లో భారీ స్థాయిలో ఓట్లు రాబట్టింది.
అటువంటి మోనాల్ ప్రస్తుతం బయట ఇండస్ట్రీలో వరుస ఆఫర్లు దక్కించుకుంటూ మరోపక్క టెలివిజన్ రంగంలో కూడా రాణిస్తుంది. ఇదిలాఉంటే ఇటీవల రాముడు గురించి వివాదాస్పద వ్యాఖ్యలు చేయడంతో ఆమెపై తీవ్ర స్థాయిలో విమర్శలు వస్తున్నాయి. మేటర్ లోకి వెళితే మీకు ఎలాంటి మొగుడు కావాలి అని యాంకర్ ప్రశ్నించిన తరుణంలో.. శ్రీ కృష్ణుడు లాంటి మొగుడు వస్తే బాగుంటుందని తెలిపింది. దానికి యాంకర్ సాధారణంగా అమ్మాయిలు రాముడు లాంటి మొగుడు వస్తే బాగుంటుందని అంటారు మీరు ఏంటి శ్రీకృష్ణుడు అని చెబుతున్నారు అని అనగా. దానికి మోనాల్ ప్రతిస్పందిస్తూ.. రాముడంటే నాకు పెద్దగా ఇష్టం లేదు. అంతేకాకుండా ఎవరో చెప్పిన మాట విని భార్యను అనుమానించాడు.. ఒకవేళ ఆయన తనకు కనిపిస్తే ఎందుకిలాంటి పని చేశావని ప్రశ్నిస్తానంటూ సంచలన వ్యాఖ్యలు చేసింది మోనాల్ గజ్జర్. దీంతో ఆమె చేసిన వ్యాఖ్యలు వివాదాస్పదంగా మారాయి.
