మెగా బ్రదర్ నాగబాబు ఈ మధ్య తన యూట్యూబ్ ఛానల్ లో చాలా ఎక్కువగా కనిపిస్తున్నాడు. డబ్బు ప్రాముఖ్యత… అది సంపాదించాల్సిన ఆవశ్యకత.. దాన్ని జాగ్రత్త చేసుకోవాల్సిన బాధ్యత గురించి నాగబాబు అందరికీ సలహాలు సూచనలు ఇస్తున్నాడు. తన జీవితంలో అనుభవించిన సంఘటనల ఆధారంగా డబ్బు విలువ…. సంపాదించాల్సిన అవసరం ఇంకా ఎవరికి డబ్బులు సంపాదించే అర్హత ఉందో ఇలా చాలా విషయాలను చెప్పుకొస్తున్నాడు.
తాజాగా డబ్బు సంపాదనకు అర్హత లేని వారి గురించి నాగబాబు వివరించారు. కొందరు వ్యక్తులకు డబ్బు సంపాదించే అర్హత లేదని చెబుతూ సోమరిపోతులుగా ఉన్న వారికి, క్రమశిక్షణ లేని వారికి, ప్రణాళిక లేని వారికి, నిజాయితీ లేని వారికి డబ్బు సంపాదించే అర్హత లేదని నాగబాబు చెప్పడం గమనార్హం. ఉద్యోగం చేసుకుంటూ ఉదయం 9 నుంచి సాయంత్రం 5 వరకు కష్టపడితే చాలు అని అనుకునేవాడికి డబ్బులు సంపాదించే అర్హత లేదని అన్నాడు నాగబాబు.
అలాంటి వారు ఎప్పటికీ కోటీశ్వరులు కాలేరు అని వారికి దాచి పెట్టుకునేందుకు కనీసం డబ్బులు కూడా మిగలవు అని ఆయన అన్నారు. ఇక దురలవాట్లు ఉండే వారికి కూడా డబ్బులు సంపాదించే అర్హత లేదన్నారు. టీవీ ఆర్టిస్ట్ ఒకరి గురించి ఉదాహరణగా చెబుతూ సదరు ఆర్టిస్టు రోజుకు రెండు మూడు పెగ్గులు వేసి పడుకుంటాడు అని నాగబాబు తెలిపాడు. ఎందుకు అని అడిగితే అంతకంటే జీవితంలో చేసేది ఏముంది అని రోజుకి రెండు మూడు పెగ్గులు వేసి పడుకుంటే హాయిగా ఉంటుంది అని అన్నాడట. జీవితానికి ఇంతకంటే ఏం కావాలి అని స్టేట్మెంట్ కూడా ఇచ్చేశాడట. ఇక ఆ ఆర్టిస్టు పైకి రాకుండా అలాగే ఉండిపోయాడు నాగబాబు చెప్పాడు. అయితే ఆ సదరు ఆర్టిస్టు ఎవరు అనే విషయం చెప్పలేదు కానీ అతని ఉదాహరణ మాత్రం జనాలకు బాగా ఎక్కింది.
Anchor Srimukhi: రేటింగ్ కోసం ఏకంగా అంతకి దిగజారిన శ్రీముఖి.. ఘోరమైన ట్రోల్స్..!