NTR : టాలీవుడ్ ఇండస్ట్రీలో అభిమానుల పరంగా మొదటి నుండి నందమూరి వర్సెస్ మెగా ఫ్యాన్స్ అనే తరహాలో వాతావరణం ఉంటుంది అన్న సంగతి తెలిసిందే. అప్పట్లో చిరంజీవి సినిమా రిలీజవుతుందంటే దానికి పోటీగా బాలయ్య బాబు సినిమా కూడా రిలీజ్ అయ్యే పరిస్థితి ఉండేది. దీంతో బాక్సాఫీస్ దగ్గర బీభత్సమైన పోటీ వాతావరణం నెల కొనేది. ఆ సమయంలో నందమూరి అభిమానులు మరియు మెగాభిమానులు నువ్వానేనా అన్నట్టుగా ఎవరికి వారు తమ అభిమాన హీరోల కోసం బ్యానర్లు, కటౌట్లు కట్టేవాళ్ళు.
అయితే తర్వాత పరిస్థితులు రానురాను సద్దుమణుగయి. రెండు కుటుంబాలకు చెందిన హీరోల దగ్గరవుతూ ఉండటంతో ..ఫ్యాన్స్ మధ్య మంచి వాతావరణం ప్రస్తుతం ఉంది. పైగా ఎన్టీఆర్తో రామ్ చరణ్ నటిస్తూ ఉండటం మరోపక్క ఎన్టీఆర్ కూడా మెగా హీరోలకు దగ్గరవుతూ ఉండటం తో ..రెండు కుటుంబాల అభిమానులు ప్రస్తుతం ఒకరిని మరొకరు ప్రోత్సహించు కునే రీతిలో వ్యవహరిస్తున్నారు. ఇలాంటి తరుణంలో మెగా బ్రదర్ నాగబాబు తాజాగా ఇంస్టాగ్రామ్ లో ఫ్యాన్స్ తో చిట్ చాట్ చేసిన సమయములో ఎన్టీఆర్ గురించి ఆయన చేసిన కామెంట్ నందమూరి అభిమానులను అవాక్కయ్యేలా చేసింది.
మేటర్ లోకి వెళ్తే “అరవింద సామెత వీర రాఘవ” సినిమాలో ఎన్టీఆర్ నాగబాబు తండ్రి కొడుకులు గా నటించిన సంగతి తెలిసిందే. వీర రాఘవ రెడ్డి పాత్రలో ఎన్టీఆర్, నారపరెడ్డి పాత్రలో నాగబాబు నటించడం జరిగింది. ఈ నేపథ్యంలో ఓ అభిమాని వీర రాఘవ రెడ్డి గురించి మీ అభిప్రాయం ఏమిటి అని ప్రశ్నించగా దానికి నాగబాబు సమాధానమిస్తూ “న్యూ జనరేషన్ టార్చ్ బేరర్” అంటూ సింపుల్ గా ఎన్టీఆర్ పై ప్రశంసల వర్షం కురిపించడంతో..నందమూరి ఫ్యాన్స్ ఒక్కసారిగా అవాక్కయ్యారు అంట. తమ కుటుంబానికి చెందిన హీరో కాకపోయినా గానీ ఎన్టీఆర్ పై..నాగబాబు ఆ విధంగా స్పందించటం అభిమానులను ఆశ్చర్యానికి గురి చేసినట్లు సోషల్ మీడియాలో టాక్.