Bigg Boss Telugu OTT: తెలుగు బిగ్ బాస్ రియాల్టీ షోకి ఇతర భాషల్లో మాదిరిగా తెలుగులో కూడా బాగా పాపులరైన సంగతి తెలిసిందే. తెలుగులో 2017 వ సంవత్సరం లో ప్రారంభమైన ఈ రియాల్టీ షో.. దాదాపు ఐదు సీజన్ లు విజయవంతంగా ముగించుకొవడం జరిగింది. స్టార్టింగ్ సీజన్ కి హోస్ట్ గా ఎన్టీఆర్ ఇరగదీశాడు. ఆ తర్వాత సీజన్ కి నాని పర్వాలేదనిపించాడు. ఇక ఆ తర్వాత నుండి హోస్ట్ గా రంగంలోకి దిగిన నాగార్జున వరుసపెట్టి సీజన్ లకి హోస్ట్ గా రాణిస్తున్న సంగతి తెలిసిందే.
ఎన్నడూ లేనివిధంగా హౌస్ లో కంటెస్టెంట్ లను సరికొత్తగా డీల్ చేస్తూ.. మెచ్చుకోవాల్సిన సమయంలో… పొగుడుతూ, వార్నింగ్ ఇవ్వాల్సిన సమయంలో తాటతీస్తా అనే తరహాలో ఒక పక్క ఎంటర్టైన్మెంట్ అందిస్తూనే మరో గాక తనదైన శైలిలో నాగార్జున యాంకరింగ్ చేస్తూ ఉన్నారు. ఇదిలా ఉంటే గతానికి భిన్నంగా బిగ్ బాస్ ప్రేక్షకులను మరింత అలరించే రీతిలో షో నిర్వాహకులు…ఓటిటి లో 24 గంటలు ఎంటర్టైన్మెంట్ అందించే విధంగా … ప్రస్తుతం షో ప్రచారం చేస్తున్న సంగతి తెలిసిందే. ఈ షోకి కూడా నాగార్జున యే హోస్ట్ గా చేస్తున్నారు.
ప్రారంభంలో బాలకృష్ణ, విజయ్ దేవరకొండ పేర్లు వినిపించినా గాని డిస్నీ హాట్ స్టార్ నిర్వాహకులు…నాగ్ కే మొగ్గు చూపారు. ఓటిటి నేపథ్యంలో టెలివిజన్ బిగ్ బాస్ షో కంటే భారీ ఎత్తున రెమ్యునరేషన్ నాగార్జున తీసుకుంటున్నట్లు వార్తలు వస్తున్నాయి. అందుతున్న సమాచారం ప్రకారం దాదాపు తొమ్మిది కోట్లు…నాగ్ కి ఓటిటి బిగ్ బాస్ మేకర్స్ ఇస్తున్నారట. కేవలం 84 రోజులకు సంబంధించిన ఈ షో లో … వీకెండ్ ఎపిసోడ్ లలో.. అనగా 24 రోజులు మాత్రమే నాగార్జున హాజరవుతారు. అందుకు గాను 9 కోట్లు నాగార్జునకి రెమ్యూనరేషన్ రావడంపట్ల.. సోషల్ మీడియాలో ఈ వార్త తెలుసుకుని నెటిజన్లు వామ్మో అంటున్నారు. మొత్తంమీద చూసుకుంటే ఒక్క నెల సమయం కేటాయించి నందుకు నాగార్జునకి 9కోట్ల అని నోరేలా పెడుతున్నారు.
