Bigg Boss 6 Telugu: ఫస్ట్ టైం తెలుగులో ఓటిటి లో బిగ్ బాస్ ఈ ఏడాది ప్రసారం కానున్న సంగతి తెలిసిందే. ఇప్పటి వరకు తెలుగులో ఐదు సీజన్ లు మొత్తం కూడా టీవీ లోనే ప్రసారమయ్యాయి. కానీ సీజన్ సిక్స్ చాలా డిఫరెంట్ గా… హౌస్ లో జరిగే 24 గంటలు తతంగం మొత్తం చూపించటానికి నిర్వాహకులు రెడీ అవుతున్నారు. ఈ నేపథ్యంలో ఎంటర్టైన్మెంట్ ఎక్కడ కూడా తక్కువ కాకుండా మొదటి నుండి కంటెస్టెంట్ ల విషయంలో చాలా కేర్ తీసుకుంటున్నారు.
ఇక ఇదే తరుణంలో ఓటిటి కి సంబంధించి హోస్ట్ గా నాగార్జున తో పాటు చాలా మంది పేర్లు వినబడుతున్న సంగతి తెలిసిందే. తాజాగా జాతిరత్నాలు ఫేమ్.. నవీన్ పోలిశెట్టి ఓటిటి బిగ్ బాస్ లోకి హోస్టింగ్ చేయడానికి రెడీ అవుతున్నట్లు వార్తలు వస్తున్నాయి. ఇటీవలే ప్రభాస్ నటించిన రాధేశ్యామ్ ప్రీ రిలీజ్ వేడుకలో నవీన్ పోలిశెట్టి యాంకర్ గా అద్భుతంగా ఎంటర్టైన్మెంట్ చేశాడు. ఈ వేడుకకు వచ్చిన పెద్ద పెద్ద స్టార్లను బాలీవుడ్ ఇండస్ట్రీకి చెందిన వాళ్లను అద్భుతంగా డీల్ చేయడం జరిగింది.
మరోపక్క తన పంచ్ డైలాగులతో కూడా… “రాదేశ్యం” ప్రీ రిలీజ్ వేడుకకు హైలెట్ గా నిలిచాడు. వేడుక మొత్తానికి నవీన్ పోలిశెట్టి యాంకరింగ్ చర్చనీయాంశంగా మారింది. హీరో ప్రభాస్ అయితే నవీన్ పోలిశెట్టి డైలాగులకు… పడిపడి నవ్వాడు. ప్రభాస్ తో పని చేసే ప్రతి డైరెక్టర్ తో… తనదైన శైలిలో ఎంటర్టైన్మెంట్ పండించాడు. ఈ నేపథ్యంలో ఇంతగా.. ఒకపక్క సినిమా రంగంలో రాణిస్తూ మరోపక్క యాంకరింగ్.. చేస్తూ ఉండటంతో నవీన్ పోలిశెట్టి కి బిగ్ బాస్ సిక్స్ యాంకరింగ్ ఇవ్వడానికి.. షో నిర్వాహకులు డిసైడ్ అయినట్టు లేటెస్ట్ టాక్ బయట వినబడుతోంది.