Nayanthara wedding: నయనతార విగ్నేష్ వివాహం ఈరోజు ఉదయం 8:30 గంటల నుండి స్టార్ట్ కావడం జరిగింది. దాదాపు ఏడు సంవత్సరాల ప్రేమకు ఈరోజు ముహూర్తం కుదిరింది. జూన్ 9 వ తారీకు అనగా నేడు ఏడేళ్ల సజీవ జీవనానికి తెరదించుతూ ఒకటి అవుతున్నారు. హీరోయిన్ నయనతార సౌత్ ఇండస్ట్రీ లోనే టాప్ హీరోయిన్ కావటంతో.. వివాహ వేడుక చాలా ఘనంగా ఇరు కుటుంబ సభ్యులు నిర్వహిస్తున్నారు.
- Read the latest news from NEWSORBIT
- Follow us on facebook , Twitter , instagram and Googlenews
దీంతో ఈ పెళ్లి వేడుకకు బాలీవుడ్ మొదలుకొని సౌత్ ఫిల్మ్ ఇండస్ట్రీ వరకు చాలా మంది ప్రముఖులు హాజరు అవుతున్నారు. ఇప్పటికే ఈ వేడుకకు బాలీవుడ్ కింగ్ ఖాన్ షారుక్ ఖాన్ హాజరయ్యారు. అట్లీ దర్శకత్వం లో షారుక్ చేస్తున్న “జవాన్” సినిమాలో నయనతార హీరోయిన్. ఇంకా రజినీకాంత్, విజయ్ సేతుపతి, హీరో కార్తీ, అట్లీ, శరత్ కుమార్ వంటి ప్రముఖులు కోలీవుడ్ నుండి హాజరవుతున్నారు. మరి తెలుగు చలన చిత్ర పరిశ్రమ నుంచి ఎవరు వెళ్తారు అన్న ఇంకా క్లారిటీ రాలేదు. ఈ వివాహ వేడుక మహాబలిపురం లో ఓ రిసార్ట్ లో జరుగుతోంది.
మహాబలిపురం ప్రదేశం అనేక ప్రకృతి దృశ్యాలకు నిలయంగా ఉండటంతో.. నయనతార, విగ్నేష్.. అతిథులకు అనుకూలంగా ఉంటుందని.. ఆలోచన చేసుకుని వేడుక ఇక్కడ జరిపిస్తున్నారు. ఇక ఇదే సమయంలో పెళ్లి వేడుకలకు సంబంధించి ఎటువంటి ఫోటో వీడియోలు బయటకు వెళ్ళకుండా కట్టుదిట్టమైన ఏర్పాట్లు చేయడం జరిగిందట. నయనతార పెళ్లి కావడంతో అభిమానులు కూడా సోషల్ మీడియాలో వస్తున్న వార్తలకి రియాక్ట్ అవుతూ ఆల్ ది బెస్ట్ చెబుతున్నారు. నయనతార వ్యక్తిగత జీవితంలో చాలామందితో ప్రేమలో పడింది. చివరాకరికి.. డైరెక్టర్ విగ్నేష్ తో గత ఏడు సంవత్సరాల నుండి ప్రేమలో ఉంటూ ఎట్టకేలకు ఈ రోజు పెళ్లి జీవితంలో అడుగుపెడుతోంది.
