Dandruff: వేప చెట్టు గురించి ప్రతి ఒక్కరికి తెలుసు.. ఇది ఆరోగ్యానికి మేలు చేస్తుంది.. ఆయుర్వేద వైద్యం పలు ఔషధాలను తయారీలో దీనిని ఆకులు, బెరడు, కాండం ఉపయోగిస్తారు. ఇది క్రిమికీటకాలను నాశనం చేస్తుంది.. చుండ్రు సమస్య ఈ రోజుల్లో ఎక్కువ మందినీ వేధిస్తుంది.. చుండ్రు సమస్య ఉంటే జుట్టు ఊడిపోతుంది. పైగా ముఖంపై మొటిమలు వస్తాయి. చుండ్రు, పేలు సమస్యకు వేప ఆకులతో ఇలా చేయండి చాలు..!!
గుప్పెడు వేప ఆకులను తీసుకుని నీటిలో వేసి బాగా మరిగించాలి. గోరువెచ్చగా ఉన్నప్పుడు ఈ నీటితో తల స్నానం చేస్తే చుండ్రు తగ్గిపోతుంది . దీనిలో ఉండే చేదు గుణం పేలును చంపేస్తుంది. వేప చెట్టుకు యాంటి మైక్రోబియల్ గుణాలున్నాయి. వీటి కొమ్మలను విరిచి బ్రష్ చేసుకుంటే పంటి సంబంధిత సమస్యలు రాకుండా చూస్తుంది. నోటి దుర్వాసనను పోగొడుతుంది. చిగుళ్ల సమస్యలకు చెక్ పెడుతుంది. వేప నూనెను చర్మ సంబంధ సమస్యలు ఉన్నవారు ఎక్కువగా ఉపయోగిస్తారు. వేప నూనెను రాసుకుంటే గజ్జి, తామర నివారణ కు చెక్ పెడుతుంది. వేపాకుల పండ్లు, బెరడుతో జ్వరం, గొంతు నొప్పి, చెవి నొప్పి, నోటి పూతలు, మధుమేహం సమస్యలకు చెక్ పెడుతుంది. వేపాకు నూనె ను కొబ్బరి నూనెలో కలిపి రాసుకుంటే అనేక ఫంగల్ ఇన్ఫెక్షన్ నుంచి బయటపడేస్తుంది. వేపాకులను మెత్తగా నూరి దానిలో పెరుగు, మెంతి పిండి కలిపి తలకు అప్లై చేస్తే చుండ్రు సమస్య తగ్గుతుంది. పేలు ఉంటే పోతాయి.