Music: మనకున్న అలవాట్లలో సంగీతం వినడం కూడా ఒకటి.. మనకు ఉన్న ఏ వ్యాపకం అయిన మన మనసుకు స్వాంతన కలిగిస్తుంది.. అయితే సంగీతం వింటే ఒత్తిడి, చికాకు, మూడ్ ఆఫ్, టెన్షన్ ను తగ్గిస్తుందా..!? మ్యూజిక్ వింటే మెదడు షార్ప్ గా పని చేస్తుందా..!? మ్యూజిక్ థెరపీ తో కలిగే ప్రయోజనాలు ఏంటో తెలుసుకుందాం..!?
సంగీతం వింటే ఎంతటి చికాకు, ఒత్తిడి ఉన్నా వెంటనే ఉపశమనం లభిస్తుంది. మన మనసుకు నచ్చిన పాట వింటే మెదడు షార్ప్ గా పనిచేస్తుంది. స్ట్రోక్స్, అల్జీమర్స్, మెదడుకు జరిగిన గాయాల చికిత్సలో సంగీతం కీలక పాత్ర పోషిస్తుందని నిపుణులు చెబుతున్నారు. ఇందుకోసం న్యూరోలాజికల్ మ్యూజిక్ థెరపీ అనే చికిత్సా విధానాన్ని ముందుకు తీసుకు వస్తున్నారు. ఫిజియోథెరపీ లాగానే మ్యూజిక్ థెరపీ కూడా పనిచేస్తుంది. ఇది రోజువారీ కార్యకలాపాలను మెరుగ్గా నిర్వహించడంలో కీలక పాత్ర పోషిస్తుంది.
నిపుణుల పరిశోధనలో తేలిన విషయాలను ప్రకారం మనిషి మెదడు పై సంగీతం చూపించే ప్రభావం చాలా ఎక్కువగా ఉంటుంది. మన మెదడులోని మాటలు, కదలిక, జ్ఞాపక శక్తి, భావోద్వేగాలు నియంత్రించే శక్తి సంగీతం కి ఉంటుంది. మెదడు దానంతట అదే రిపేర్ చేసుకోవడానికి సంగీతం సహాయపడుతుంది. మెదడు పై సంగీతం చూపించే శక్తివంతమైన ప్రభావాన్ని దృష్టిలో ఉంచుకొని స్ట్రోక్స్, పార్కిన్సన్స్, మెదడు గాయాల చికిత్సకు న్యూరో లాజిక్ మ్యూజిక్ థెరపీని పరిశోధకులు అందుబాటులోకి తీసుకువస్తున్నారు.
