Big Boss: తెలుగు టెలివిజన్ ప్రేక్షకులను అలరించే షో లలో ఒక షో బిగ్ బాస్. ఇప్పటికే నాలుగు సీజన్లలో పూర్తి చేసుకోవటం త్వరలో బిగ్ బాస్ తెలుగు సీజన్-5 ప్రారంభం కానుంది. వాస్తవానికి మహమ్మారి కరోనా వైరస్ రాకపోయి ఉంటే ఈ పాటికి షో స్టార్ట్ అయ్యి ఉండేది. కాని దేశంలో కరోనా సెకండ్ వేవ్ తీవ్రత అధికంగా ఉండటంతో పాటు భయంకరంగా కేసులు రావడంతో వైరస్ విస్తరణ ఊహించని విధంగా ఉండటం తో బిగ్ బాస్ కంటెస్టెంట్ లను సెలెక్ట్ చేయటంలో వాయిదా వేస్తూ వచ్చారు షో నిర్వాహకులు.
అయితే ఇటీవల కేసులు తగ్గుముఖం పట్టడంతో ఇక ఆలస్యం చేయకుండా కంటెస్టెంట్ లను సరికొత్త టెక్నిక్ తో సెలెక్ట్ చేయటానికి పూనుకున్నారు. మేటర్ లోకి వెళ్తే ప్రస్తుతం ఎక్కడా కూడా జనాలు గుమిగూడి ఉండే పరిస్థితి లేకపోవడంతో .. చాలా ప్రభుత్వాలు కార్యక్రమాలను జూమ్ ద్వారా నిర్వహిస్తూ ఉన్నాయి. ఇలాంటి తరుణంలో బిగ్ బాస్ షో నిర్వాహకులు కోవిడ్ సెకండ్ వేవ్ కారణంగా బిగ్ బాస్ ఐదవ సీజన్ ప్రారంభించడానికి హౌస్ లో పాల్గొనే పోటీదారుల జాబితాను ఇప్పటికే సిద్ధం చేసినట్లు వారిని ఆడిషన్స్ కోసం జూమ్ ద్వారా సెలెక్ట్ చేస్తున్నారట.
Read More: Big Boss: బిగ్ బాస్ షోపై షాకింగ్ కామెంట్స్ చేసిన ప్రగతి..!!
ఇప్పటికే కొంత మందిని చేసినట్లు మరికొంత మందిని చేసి జూలై నెలాఖరున లేకపోతే ఆగష్టు ప్రారంభంలో షో స్టార్ట్ చేసే ఆలోచనలో షో నిర్వాహకులు ఉన్నారట. అంతేకాకుండా ఈ సీజన్ కి సంబంధించిన ప్రోమో త్వరలో మాటీవీలో మరికొన్ని రోజుల్లో ప్రసారం కానుందట. ఇప్పటికే ఈ ప్రోమో కి సంబంధించిన షూటింగ్ లలో పాల్గొనటానికి నాగార్జున అంతా రెడీ అయినట్టు సమాచారం. మూడు నాలుగు సీజన్లకు హోస్ట్ గా చేసిన కింగ్ నాగార్జున ఐదవ సీజన్ కి కూడా కంటిన్యూ అవుతున్నారట. మొదటి బిగ్బాస్ షో తెలుగు హోస్ట్ గా యంగ్ టైగర్ ఎన్టీఆర్ నిర్వహించారు. రెండవ సీజన్ కి నేచురల్ స్టార్ నాని రాణించారు. ఆ తర్వాత సీజన్ ల నుండి నాగార్జున కంటిన్యూ అవుతూ వస్తున్నారు.