Pawan Mahesh: ఒకానొక సమయంలో టాలీవుడ్ ఇండస్ట్రీ లో పవన్ కళ్యాణ్, మహేష్ బాబు సినిమాలు చేసే విషయంలో ఏడాదికి ఒకటి అనే తరహాలో పరిస్థితి ఉండేది. కానీ కరోనా తీసుకొచ్చిన కష్టాలు ఇప్పుడు ఈ ఇద్దరు హీరోలను సినిమాలు ఒప్పుకోవటం లో స్పీడ్ పెంచేటట్లు పరిస్థితి మార్చేసింది. ఇద్దరు హీరోలు ఓపెనింగ్స్ రాబట్టడంలో నువ్వానేనా అన్నట్టుగా ఉంటారు. తిరుగులేని క్రేజ్ కలిగిన ఇద్దరు హీరోలు ప్రస్తుతం బిజినెస్ పరంగా ఇండస్ట్రీ లో డబ్బులు అనుకుంటున్నట్లు మీడియా లో వార్తలు వైరల్ అవుతున్నాయి.
మేటర్ లోకి వెళ్తే పవన్ కళ్యాణ్ రీ ఎంట్రీ తర్వాత ఒక్కసారిగా నాలుగైదు సినిమాలు లైన్ లో పెట్టడం తెలిసిందే. ఒకపక్క సినిమాలు చేస్తూనే మరోపక్క తన సొంత బ్యానర్ పవన్ కళ్యాణ్ క్రియేటివ్ వర్క్స్ బ్యానర్ పై పలు సినిమాలు నిర్మించడానికి రెడీ అవుతున్నాడు. పీపుల్ మీడియా ఫ్యాక్టరీ అనే నిర్మాణ సంస్థతో కలిసి 6 చిన్న సినిమాలు 6 మీడియం బడ్జెట్ సినిమాలు మరో మూడు అతి భారీ బడ్జెట్ సినిమాలు నిర్మించడానికి పవన్ కళ్యాణ్ పూనుకున్నారు.
ఇక మహేష్ బాబు విషయానికి వస్తే సినిమా హీరోగా చేస్తూనే మరోపక్క ఏఎంబి థియేటర్ల బిజినెస్ అదే విధంగా తన సొంత బ్యానర్ లో పలు సినిమాలు నిర్మించడానికి పవన్ కళ్యాణ్ మాదిరిగా రెడీ అయ్యారు. ఇప్పటికే అడివి శేష్ తో సినిమా నిర్మిస్తున్న మహేష్ త్వరలోనే జాతిరత్నాలు నవీన్ పోలిశెట్టి తో కూడా సినిమా నిర్మించడానికి మహేష్ పును కొన్నట్లు సమాచారం. మొత్తంమీద చూసుకుంటే ఇండస్ట్రీలో ఇప్పుడు ఈ ఇద్దరు హీరోలు ఒక వైపు సినిమాలు చేస్తూనే మరో పక్క వ్యాపారాలతో డబ్బులు కమ్ముకున్నట్లు సరికొత్త టాక్ వినపడుతోంది.