దక్షిణ భారతదేశపు అగ్ర హీరోయిన్లలో ఒకరైన అనుష్క శెట్టి ఇండస్ట్రీలోకి అడుగుపెట్టి 15 ఏళ్ళు దాటింది. దాదాపు దక్షిణంలో అన్ని భాషల్లోనూ సినిమాలు చేసిన ఈ గ్లామర్ బ్యూటీ తన అందంతోనే కాకుండా లేడి ఓరియెంటెడ్ సినిమాల్లో తన అభినయంతో లక్షలాది మంది ఫ్యాన్స్ ని సంపాదించింది.
‘సూపర్’ సినిమాతో ఆరంభమైన తన ప్రస్థానం టాలీవుడ్ లో చాలా సంవత్సరాలు దిగ్విజయంగా సాగింది. తెలుగు, తమిళ, కన్నడ భాషల్లో దాదాపు అందరు హీరోలతో నటించిన స్వీటీ ఒక దశాబ్ద కాలం ఏకగ్రీవంగా ఏలింది అనే చెప్పాలి. బాహుబలి సినిమా తర్వాత ఆమె జాతీయ స్థాయిలో ఇంకా భారీగా అయిపోయింది. ఇప్పటికే తన వయస్సు 40 యేళ్లుకు దగ్గర అవుతుంది. ఆమె పెళ్లి గురించి ఎన్నో వార్తలు వస్తున్నా ఆమె మాత్రం ఇప్పటికీ ఆ విషయంపై ఎటువంటి క్లారిటీ ఇవ్వలేదు.
అయితే ప్రభాస్ కూడా ఇంకా పెళ్లి చేసుకోవాల్సి ఉంది. వీరిద్దరూ మంచి జంట అని సోషల్ మీడియాలో ఎప్పటినుండో ఒక భావన ఉంది. అలాగే ఎన్నో సార్లు వీరిద్దరూ త్వరలోనే పెళ్లి చేసుకుంటారని చాలా వార్తలు వచ్చాయి. వీటిని ప్రభాస్, అనుష్క స్వయంగా ఖండించారు కూడా. అయితే ఆ వార్తలు మాత్రం ఆగలేదు. అయితే ఇప్పుడు అనుష్క ని పెళ్లి చేసుకోవాలని కుటుంబసభ్యులు తీవ్రమైన ఒత్తిడి చేస్తున్నారట.
ఇంత వయస్సు వచ్చిన తర్వాత ఆమెకు సినిమా అవకాశాలు కూడా కొద్దిగా తగ్గాయనే చెప్పాలి. కెరీర్ చివరిదశలో ఉంది ఈ సమయంలో ఉన్న అవకాశాలను ఉపయోగించుకొని సాగితే మరో రెండు మూడేళ్ళు సినిమాలు చేస్తుంది. ఇక ఆ తర్వాత మళ్లీ సినిమాల్లో చేయాలా లేక పెళ్లి చేసుకోవాలా అన్న సందిగ్ధంలో అనుష్క ఉన్నట్లు తెలుస్తోంది. ఇదే సమయంలో ఖచ్చితంగా వచ్చే సంవత్సరం లోనే ప్రభాస్ పెళ్లి ఉంటుంది అని కృష్ణంరాజు చెప్పేశారు. అనుష్క కుటుంబ సభ్యులు కూడా అదే సమయంలో ఒత్తిడి చేస్తుండడంతో ఫాన్స్ అంతా ఇక వీరిద్దరి పెళ్లి చేసుకుంటారని మరో సారి మెంటల్ గా ఫిక్స్ అయిపోయారు. అందరికీ ఇది జరిగితే బాగుంటుందని అని ఉన్నా కూడా అసలైన వీరిద్దరి మనసులో ఏముందో ఎవరికీ తెలియదు.
