మనుషుల జీవితంలో స్మార్ట్ ఫోన్ ఒక భాగమైపోయింది. స్మార్ట్ ఫోన్ లేకుండా కొంత సమయం గడపటానికి కూడా యువత, మధ్య వయస్కులు ఇష్టపడటం లేదు. మహా నగరాల నుంచి పల్లెటూళ్ల వరకు స్మార్ట్ ఫోన్ వినియోగం గత ఐదేళ్లలో భారీగా పెరిగింది. తక్కువ ధరకే స్మార్ట్ ఫోన్ లభ్యమవుతూ ఉండటంతో పేద, మధ్య తరగతి వర్గాలు కూడా స్మార్ట్ ఫోన్ కొనుగోలుకు విపరీతమైన ఆసక్తిని ప్రదర్శిస్తున్నాయి.
అరచేతిలో స్మార్ట్ ఫోన్ తో ప్రపంచానికి సంబంధించిన సమాచారంతో పాటు యాప్స్ ద్వారా టైమ్ పాస్ అవుతుంది. మొబైల్ గేమ్స్ ను ఇష్టపడే వారికి స్మార్ట్ ఫోన్ చేతిలో ఉంటే టైమే తెలీదు. అయితే స్మార్ట్ ఫోన్ ను ఎక్కువగా వినియోగించే బ్యాటరీ విషయంలో తగిన జాగ్రత్తలు తీసుకోకపోవడం వల్ల చాలా స్మార్ట్ ఫోన్లు త్వరగా పాడైపోతున్నాయి. కొన్ని జాగ్రత్తలు తీసుకోవడం ఫోన్ బ్యాటరీ లైఫ్ టైమ్ ను సులభంగా పెంచుకునే అవకాశం ఉంటుంది.
ఎప్పుడూ ఛార్జింగ్ పెడుతూ ఉండటం వల్ల బ్యాటరీ బ్యాకప్ త్వరగా తగ్గే అవకాశం ఉంటుంది. బ్యాటరీ లైఫ్ ఎక్కువ రోజులు రావాలంటే అత్యవసరమైతే మాత్రమే బ్లూటూత్, జీపీఎస్ లను వినియోగించాలి. ఫోన్ బ్రైట్ నెస్ ను అవసరమైననంత మాత్రమే ఉండే విధంగా చూసుకోవాలి. ఎక్కువ బ్రైట్ నెస్ మన కళ్లకు కూడా మంచిది కాదు. అనవసరమైన యాప్స్ ను తొలగించడంతో అనవసరమైన నోటిఫికేషన్లు కనిపించకుండా జాగ్రత్తలు తీసుకోవాలి.
వాల్ పేపర్స్ కు, విడ్జెట్ స్ ను కూడా వాడకపోతే బ్యాటరీ లైఫ్ టైమ్ పెరిగే అవకాశం ఉంటుంది. లైవ్ వాల్ పేపర్, విడ్జెట్స్ అస్సలు వినియోగించకూడదు.
