Food Habits: ప్రస్తుత టెక్ యుగంలో కంప్యూటర్ ముందు కూర్చుని చేసే ఉద్యోగాలు ఎక్కువగా ఉన్నాయి.. ఎటువంటి శారీరక శ్రమ లేకపోయినా మైండ్ కు పని చెప్పకతప్పదు.. సాఫ్ట్ వేర్ ఉద్యోగి మొదలుకొని ప్రభుత్వ ఉద్యోగాల వరకు కుర్చీలో కూర్చుని చేసే ఉద్యోగాలు ఎక్కువగా ఉన్నాయి.. సుమారుగా రోజుకి 10 గంటల పాటు కంప్యూటర్లు, ల్యాప్టాప్లు కు అతుక్కుపోతున్నారు.. మేం శారీరక శ్రమ చేయడం లేదు కాబట్టి ఆహారం తీసుకోక పోయినా పర్వాలేదు అంటూ అశ్రద్ధ వహిస్తున్నారు.. వీరు తీసుకునే ఆహారంపై శ్రద్ధ వహించకపోతే ముందు ముందు అనేక ఆరోగ్య సమస్యలు తలెత్తుతాయి.. శారీరక శ్రమ లేకపోయినా ఎలాంటి ఫుడ్ తీసుకోవాలో తెలుసుకుందాం..!!
ఆఫీసులో ఒకే చోట కూర్చుని పనిచేసే వారు మధ్య మధ్యలో గ్రీన్ టీ తీసుకోవడం ఉత్తమం. ఇది రోగనిరోధక శక్తిని పెంచుతుంది. ఆహారం తీసుకున్న రెండు గంటల తర్వాత గ్రీన్ టీ తీసుకోవాలన్న విషయం గుర్తుంచుకోవాలి. అలాగే రోజుకి రెండు, మూడు కప్పుల కంటే ఎక్కువ గ్రీన్ టీ తాగకూడదు. ఆఫీసులో కూర్చుని ఉద్యోగం చేసేవారు ప్రతి రెండు గంటలకు ఒకసారి ఏదో ఒకటి తింటూ ఉండాలి. ఖచ్చితంగా మీ డైట్లో సి-విటమిన్ పండ్లను గానీ ఏదైనా పండ్లను కానీ ఖచ్చితంగా తీసుకోవాలి. జామ, అరటి, బొప్పాయి, దానిమ్మ, ద్రాక్ష, ఆపిల్, కమలా పండు వీటిలో ఏదో ఒకటి రోజు తినాలి.
ప్రతిరోజు డార్క్ చాక్లెట్ తినాలి. డార్క్ చాక్లెట్ తినడం వల్ల పని ఒత్తిడిని తగ్గించడంతో పాటు మానసిక ఉత్తేజాన్ని కూడా కలిగిస్తుంది. రక్తపోటు సమస్యలను దూరంగా ఉంచి పని మీద ఏకాగ్రతను పెంచుతుంది. దీనిలో ఉండే యాంటీ ఆక్సిడెంట్లు గుండెజబ్బుల నుంచి దూరంగా ఉంచుతుంది. స్నాక్స్ లో భాగంగా పాప్ కార్న్ తీసుకోవడం ఆరోగ్యానికి చాలా మంచిది. ఇందులో ఉండే ఫైబర్, యాంటీ ఆక్సిడెంట్స్ అధికంగా ఉంటాయి. అలాగే ప్రతిరోజు ఊ డ్రై ఫ్రూట్స్ తినడం అసలు మర్చిపోవద్దు. ముఖ్యంగా అక్రూట్ ను ఎక్కువగా తీసుకోండి.